సూక్ష్మరుణ సంస్థల పాపం రాహుల్ గాంధీదే: ఎంపీ నామా

హైదరాబాద్: సూక్ష్మ రుణ సంస్థల మాఫియాను సృష్టించింది ముమ్మాటికీ ఏఐసిసి అధికార ప్రతినిధి రాహుల్ గాంధీయేనని తెలుగు దేశం పార్టీ సీనియర్ నాయకుడు, ఖమ్మం పార్లమెంటు సభ్యుడు నామా నాగేశ్వరరావు ఆరోపించారు. సూక్ష్మ రుణ సంస్థల పై రాహుల్ గాంధీతో చర్చకు తాను సిద్ధమని నామా కాంగ్రెస్ కు సవాల్ విసిరారు. సూక్ష్మ రుణ సంస్థలను ప్రోత్సహించి ప్రజల ప్రాణాలు తీస్తున్న కాంగ్రెస్ ప్రభుత్వం పేద ప్రజల విశ్వాసాన్ని కోల్పోయిందని తేల్చి చెప్పారు.

45 రోజుల్లోనే రాష్ట్రంలో సూక్ష్మ రుణ సంస్థల వేధింపులు భరించలేక 72 మంది ఆత్మహత్య చేసుకున్నారన్నారు. అయినప్పటికీ ప్రభుత్వం కఠిన చర్యలు తీసుకోవటం లేదని ఆరోపించారు. సూక్ష్మ బాధ తట్టుకోలేక ఆత్మహత్యలు పెరిగి పోవటంతే ప్రజలను మభ్యపెట్టడానికి ప్రభుత్వం హడావుడిగా ప్రత్యేక చట్టాన్ని తీసుకు వచ్చింది. కానీ చిత్తశుద్ధితో మాత్రం ఆ విషయంపట్ల ప్రభుత్వం వ్యవహరించటం లేదన్నారు.