బాధ్యత లేకుండా వ్యక్తిగత ప్రతిష్టకు జగన్ ఉబలాటం: సిపిఎం

హైదరాబాద్: కడప పార్లమెంటు సభ్యుడు వైయస్ జగన్మోహన్ రెడ్డి రాష్ట్ర ప్రజల సమస్యలను మరిచిపోయి ఓదార్పులో మునిగిపోయాడని సిపిఎం ధ్వజమెత్తింది. జగన్ ప్రజా సమస్యలను పక్కనబెట్టి తన వ్యక్తిగత ప్రతిష్టను పెంచుకోవాలని చూస్తున్నాడని ఆరోపించారు. జగన్ ఓదార్పులో నిత్యం తన తండ్రి వైయస్ రాజశేఖర్ రెడ్డిని పొగడటానికి, ఆయన ప్రవేశపెట్టిన పథకాలను పనిగట్టుకొని ప్రచారం చేస్తున్నాడన్నారు.

రాష్ట్రంలో సూక్ష్మరుణ వేధింపులతో రెండునెలల్లోపే 60 మందికి పైగా ఆత్మహత్యలు చేసుకున్నప్పటికీ జగన్ ఇంతవరకు స్పందించలేదన్నారు. ప్రభుత్వం, ప్రతిపక్షాలు స్పందించాయి కాని ఆయన మాత్రమ స్పందించలేదని ఆరోపించాయి. ప్రజలు ఆత్మహత్యలు చేసుకుంటున్నా తండ్రి పథకాలు ప్రచారం చేస్తూ వ్యక్తిగత ప్రతిష్ట పెంచుకోవాలని చూస్తున్న జగన్ ప్రజలపై అభిమానం ఉందని ఎలా అనుకుంటామని ప్రశ్నించారు.