అమలాపురంలో ఆసియాలోనే అత్యధిక వర్షపాతం నమోదు

హైదరాబాద్: ఆదివారం ఉదయం 8.30 నుంచి సోమవారం ఉదయం 8.30 వరకు అమలాపురంలో 30.52 సెం.మీ. వర్షపాతం నమోదైనట్లు వాతావరణ శాఖ నమోదుచేసింది. ప్రపంచ వాతావరణ శాఖ రికార్డుల ప్రకారం ఆసియాలో ఈ సమయంలో కురిసిన వర్షపాతాల్లో ఇదే రికార్డు. సాధారణంగా మన వాతావరణశాఖ వారు సాయంత్రం 6 గంటల నుంచి మరుసటి రోజు సాయంత్రం 6 గంటల వరకు పడిన వర్షపాతాన్ని నమోదుచేస్తారు. దీన్ని 8.30 గంటల నుంచి నమోదుచేశారు కాబట్టి ఇదే రికార్డు అని వాతావరణ శాఖ చెబుతోంది.

తిరుమలలో సోమవారం మధ్యాహ్నం రెండు గంటల పాటు కుండపోతగా వాన పడింది. 26 మి.మీ. వర్షపాతం నమోదైంది. శ్రీవారి ఆలయం చుట్టూ పలు ప్రాంతాలు జలమయమయ్యాయి. ఆలయంలోనూ నీరు నిలిచింది. భక్తుల రాకపోకలకు తీవ్ర అంతరాయం ఏర్పడింది. పొగ మంచు దట్టంగా కమ్ముకుంది. చలి తీవ్రత బాగా పెరిగింది.