వంశీకి విజయవాడలో ఎలాంటి ముప్పు లేదు: బెజవాడ సిపి

విజయవాడ: తెలుగుదేశం పార్టీ నాయకుడు వల్లభనేని వంశీతో పాటు పలువురు కాంగ్రెస్ నాయకులకు కూడా గన్ మెన్లను విరమించుకున్నామని విజయవాడ పోలీసు కమిషనర్ సీతారామాంజనేయులు ఓ టీవీ ఛానల్ కు ఇచ్చిన ఇంటర్య్వూలో పేర్కోన్నారు. సెక్యురిటీ రివ్యూ కమిటీ సూచించిన ప్రకారమే కొందరికి విరమించుకున్నామన్నారు. ఇంతకుముందు ఇంటెలిజన్సు సూచనల మేరకు వంశీకి అదనంగా గన్ మెన్ లను కూడా ఇచ్చినట్టు చెప్పారు.

వంశీకి విజయవాడలో ఎలాంటి ముప్పు లేదని సీతారామాంజనేయులు చెప్పారు. అయితే విజయవాడ బయట వంశీ కార్యకలాపాల గురించి నాకు తెలియదని అందుకు తాను ఏమీ మాట్లాడనని సిపి చెప్పారు. తనకు విజయవాడలో ఎలాంటి ముప్పు లేదని వంశీకి కూడా చెప్పినట్టు సిపి చెబుతున్నారు. వంశీ కేవలం పొలిటికల్ మైలేజి కోసం వంశీ రాద్దాంతే చేస్తున్నారని ఆయన ఆరోపించారు. కాగా ఆ తర్వాత సిపి మాటలకు వల్లభనేని వంశీ స్పందించారు.