కిరణ్ కుమార్ రెడ్డి ఎప్పుడూ నా కెప్టెనే: మాజీ కెప్టెన్ అజర్

హైదరాబాద్: ముఖ్యమంత్రి పదవి చేపట్టిన కిరణ్ కుమార్ రెడ్డి ఎప్పుడూ తన కెప్టెనేనని భారత క్రికెట్ జట్టు మాజీ కెప్టెన్, పార్లమెంటు సభ్యుడు మొహ్మద్ అజరుద్దీన్ అన్నారు. కిరణ్ కుమార్ రెడ్డి అందరితో స్నేహంగా ఉండేవాడని ఆయన అన్నారు. ఓ ప్రైవేట్ తెలుగు టీవీ చానెల్ ప్రతినిధితో ఆయన గురువారం మాట్లాడారు. కిరణ్ కుమార్ రెడ్డిని స్నేహశీలిగా, సున్నిత మనస్కుడిగా ఆయన అభివర్ణించారు. సమస్యలను పరిష్కరించగల సామర్థ్యం కిరణ్ కుమార్ రెడ్డికి ఉందని ఆయన చెప్పారు.

ముఖ్యమంత్రిగా కిరణ్ కుమార్ రెడ్డిని ఎంపిక చేయడం సరైందని ఆయన అన్నారు. కిరణ్ కుమార్ రెడ్డి పాజిటివ్ ఆలోచనలు ఉన్నవాడని ఆయన అన్నారు. అన్ని ఒత్తిళ్లను కిరణ్ కుమార్ రెడ్డి అధిగమించగలడని ఆయన అన్నారు. ప్రతిపక్షాలను ఎదుర్కునే సత్తా కిరణ్ కుమార్ రెడ్డికి ఉందని ఆయన అభిప్రాయపడ్డారు. యువకుడిగా, యువ ఆలోచనపరుడిగా ఆయన కిరణ్ కుమార్ రెడ్డిని అభివర్ణించారు.