జగన్ కు అవకాశం ఎప్పుడు రావాలో అప్పుడు వస్తుంది: వైయస్ వివేకానంద

హైదరాబాద్: కడప పార్లమెంటు సభ్యుడు వైఎస్ జగన్మోహన్ రెడ్డి ప్రత్యేక వర్గమంటూ ఏమీలేదని శాసనమండలి సభ్యుడు, దివంగత వైఎస్ రాజశేఖరరెడ్డి తమ్ముడు వైఎస్ వివేకానందరెడ్డి గురువారం విలేకరుల సమావేశంలో అన్నారు. వర్గాలంటూ ఏమీ లేవని అంతా కాంగ్రెస్ వర్గమేనని ఆయన అన్నారు. జగన్ కు కాంగ్రెస్ అధిష్టానం ప్రదాన్యం ఇస్తుందని ఆయన తన అభిప్రాయాన్ని వ్యక్తం చేశారు.

జగన్ కు అవకాశం ఎప్పుడు రావాలో అప్పుడు వస్తుందని, దానికి సమయం, సందర్భం ఉంటుందని ఆయన అన్నారు. అధిష్టానం జగన్ ను నిర్లక్ష్యం చేయదన్నారు. సాక్షిలో సోనియాగాంధీకి వ్యతిరేకంగా వచ్చిన కథనాలు మీడియాకు సంబంధించినవన్నారు. వాటిని యాజమాన్యాలకు ఆపాదించటం సమంజసం కాదని ఆయన చెప్పారు. కొందరు జగన్ ను దెబ్బతీయాలనే సాక్షిలో వచ్చిన కథనాన్ని ఆయనకు ఆపాదించే ప్రయత్నాలు చేస్తున్నరన్నట్టు మాట్లాడారు.