2జి స్పెక్ట్రమ్ స్కామ్: నీరా రాడియా ఇళ్లపై సిబిఐ దాడులు

న్యూఢిల్లీ: కార్పొరేట్ లాబీయిస్టు నిరా రాడియా ఇళ్లలో, కార్యాలయాల్లో కేంద్ర దర్యాప్తు సంస్థ (సిబిఐ) బుధవారం ఉదయం సోదాలు ప్రారంభించింది. నీరా రాడియా వైష్ణవి కమ్యూనికేషన్స్ సంస్థ చైర్మన్. ఎ రాజాకు కమ్యూనికేషన్ల మంత్రిత్వ శాఖను కట్టబెట్టేందుకు కార్పొరేట్ సంస్థల తరఫున నీరా రాడియా రంగంలోకి దిగినట్లు ఆరోపణలున్నాయి.

ట్రాయ్ మాజీ చీఫ్ ప్రదీప్ బైజాల్ నివాసాల్లో కూడా సిబిఐ అధికారులు సోదాలు నిర్వహించారు. బైజాల్ 2004 - 2008 మధ్య కాలంలో ఆయన ట్రాయ్ చీఫ్ గా పనిచేశారు. సిబిఐ అధికారులు బుధవారం ఉదయం చత్తర్ పూర్ లోని నీరా రాడియా నివాసానికి వచ్చారు. బరాఖాంబాలో ఉన్న ఆమె కార్యాలయంపై కూడా సిబిఐ అధికారులు దాడులు చేశారు. తమిళనాడులోని 27 ప్రాంతాల్లో, ఢిల్లీలోని ఏడు ప్రాంతాల్లో సిబిఐ అధికారులు దాడులు చేస్తున్నట్లు సమాచారం.