కనిమొళికి ఎల్టీటీఈతో సంబంధాలు? దెబ్బతింటున్న డిఎంకే పార్టీ ప్రతిష్ట

చెన్నై\ఢిల్లీ: 2జి స్పెక్ట్రమ్ అవినీతి కుంభకోణంలో ఆరోపణలు ఎదుర్కొంటున్న రాజా, కనిమొళి, లాబీయిస్టు నీరా రాడియా ఇళ్లలో, ఆఫీసులలో సిబిఐ దాడులు నిర్వహిస్తుంది. ఢిల్లీలోని 7 ప్రాంతాల్లో, తమిళనాడులోని 27 ప్రాంతాల్లో సిబిఐ ఏకకాలంలో దాడులు నిర్వహించింది. నీరా రాడియా ఇంటిపైన, ఆమె కార్యాలయంపైన సిబిఐ దాడులు నిర్వహించారు. ఆమెను విచారణ చేశారు. తమిళనాడు ముఖ్యమంత్రి కరుణానిధి కుమార్తె కనిమొళితో ప్రత్యక్షంగా ఉన్న స్వచ్చంధ సంస్థలపైనా దాడులు నిర్వహించింది. కనిమొళికి ఎల్టీటీఈతో సంబంధాలు ఉన్నట్లు కూడా తెలుస్తోంది. సిబిఐ దాడులు విస్తృతం చేయటంతో దేశవ్యాప్తంగా డిఎంకే ప్రతిష్ట పడిపోయింది. తమిళనాడు ప్రజలు కరుణానిధి ప్రభుత్వంపై తీవ్ర అసంతృప్త వ్యక్తం చేస్తున్నట్లు సమాచారం.

ట్రాయ్‌ మాజీ అధ్యక్షుడు ప్రదీప్‌ బైజల్‌ నివాసంలో కూడా సీబీఐ సోదాలు చేస్తోంది. 2008లో ఆయన ట్రాయ్ రాజీనామా చేశారు. ఆయన అప్పటినుండి 2009 వరకు రాడీయాతో పని చేశారు. ఆయనను అదుపులోకి తీసుకుంది. రాజా, కనిమొళిలు జగత్ గాస్పర్ ను అడ్డుగా పెట్టుకొని లావాదేవీలు జరిపారని తెలుస్తోంది. కనిమొళి తల్లి ఇంటిపైన, ఆమె ఆడిటర్ ఇంటిపైనా, ఎన్టీవోలపైనా, జర్నలిస్టులపైనా, తమిళనాడుకు చెందిన 11 మంది ముఖ్య అధికారులపైన, దాడులు చేశారు. కనిమొళితో రాజాకు ఉన్న అనుబంధమే కరుణానిధి అభయానికి కారణంగా కొందరు పేర్కొంటున్నారు.

నక్కీరన్ పత్రిక అసోసియేట్ ఎడిటర్ కామరాజు ఇంటిపైనా దాడులు నిర్వహించారు. రాజా ఇంటితో పాటు ఆయన బంధువులకు, సన్నిహితులకు చెందిన వారిపై దాడులు చేసింది. సిబిఐ 2జి స్పెక్ట్రమ్ కుంభకోణంపై నిర్లక్ష్యంతో వ్యవహరిస్తుందని వ్యాఖ్యానించడంతో సిబిఐ దేశవ్యాప్త దాడులు ఏకకాలంలో నిర్వహించింది. కుంభకోణంలోని అవినీతిని మొత్తాన్ని కూపీలాగాలని ప్రయత్నాలు చేస్తుంది.