తెలంగాణ మంటల్లో వెంకటేష్ నాగవల్లి చిత్రం: పోస్టరు తగలబెట్టిన విద్యార్థులు

హైదరాబాద్: ప్రముఖ కథానయకుడు విక్టరీ వెంకటేష్, అందాల తార అనుష్క నటించిన నాగవల్లి చిత్రానికి తెలంగాణ సెగ తగిలింది. ఉస్మానియా విశ్వవిద్యాలయ ఐక్య కార్యాచరణ సమితి నాగవల్లి పోస్టర్లను తగులబెట్టింది. విశ్వవిద్యాలయ సమీపంలోని తార్నాకలోని ఆరాధన థియేటర్లో ఉన్న నాగవల్లి పోస్టర్లను విద్యార్థులు తగులబెట్టారు. తెలంగాణకు సంబంధించిన జైభోలో చిత్రానికి అనువైన థియేటర్లు ఇవ్వటం లేదని విద్యార్థులు ఆరోపించారు.

అందుకే జైభోలో చిత్రానికి ఏ గ్రేడ్ కాకుండా బి గ్రేడ్ ఇచ్చారని అంటున్నారు. తెలంగాణ నేపథ్యంలో జగపతి బాబు ముఖ్య కథానాయకుడిగా, శంకర్ దర్శకత్వంలో వస్తున్న జైభోలో చిత్రానికి సీమాంధ్రులు సరియైన థియేటర్లు కేటాయించకుండా, చిత్రాన్ని అడ్డుకోవడానికి చూస్తున్నారని అంటున్నారు.