భారత్ కు నేడు వస్తున్న చైనా ప్రధాని వెన్ జియాబావో

న్యూఢిల్లీ: భారత్ లో మూడు రోజుల పర్యటనలో భాగంగా చైనా ప్రధాని వెన్‌ జియాబావో బుధవారం మన దేశానికి రానున్నారు. ప్రధాని తో పాటు వందల సంఖయ్లో వ్యాపార ప్రతినిధులు సైతం ఆయన వెంట వస్తున్నారు. ఆయన వెంట సుమారు నాలుగు వందల మంది వ్యాపార ప్రతినిధుల బృందం వస్తున్నట్టు తెలుస్తోంది. వాణిజ్యమే ప్రధాన లక్ష్యంగా వచ్చిన అమెరికా అధ్యక్షుడు బరాక్ ఒబామా బాటలోనే వెన్ కూడా వస్తున్నట్టు సమాచారం. ఈ ద్వైపాక్షిక చర్చల్లో ఇరుదేశాల మధ్య వాణిజ్యమే ప్రముఖంగా మారే అవకాశముంది.

కాశ్మీరీలకు పేపర్‌ వీసాలు ఇవ్వడంపై కూడా చర్చ జరగనున్నట్లు తెలుస్తోంది. పర్యటనలో భాగంగా జియాబావో రాష్ట్రపతి ప్రతిభా పాటిల్‌, ప్రధాని మన్మోహన్ ‌సింగ్‌, యూపీఏ ఛైర్‌పర్సన్‌ సోనియా గాంధీతో భేటీ కానున్నారు. జియబావో పర్యటనతో ఇరుదేశాల సంబంధాలు మెరుగుపడతాయని భావిస్తున్నారు. ఆయన పర్యటన సందర్భంగా ప్రధాన అంశాలు చర్చకు వచ్చే అవకాశం ఉంది.