కళ్లు మూసి తెరిచేలోపు మూడేళ్లు, ప్రభుత్వానికి డిపాజిట్లు దక్కవు: జగన్

రాజమండ్రి: కళ్లుమూసి తెరిచేలోగా మూడు సంవత్సరాలు గడుస్తాయని, మూడు సంవత్సరాలు ఉంది కదా అని ప్రభుత్వం రైతులను పట్టించుకోవటం మానేస్తే వచ్చే ఎన్నికల్లో కాంగ్రెసు ప్రభుత్వానికి డిపాజిట్లు కూడా దక్కవని మాజీ పార్లమెంటు సభ్యుడు, దివంగత ముఖ్యమంత్రి వైయస్ రాజశేఖరరెడ్డి తనయుడు వైయస్ జగన్మోహన్ రెడ్డి ధ్వజమెత్తారు. ప్రభుత్వం ఇన్ పుట్ సబ్సిడీకి రూ.3600 ప్రకటించాలని, ప్రతి ఎకరానుకు 5వేల రూపాయలు ఇవ్వాలని డిమాండు చేశారు.

వైయస్ రాజశేఖరరెడ్డి బతికి ఉంటే ఈ పరిస్థితులు వచ్చేవి కావని రైతులు వాపోతున్నారన్నారు. రాజకీయాల్లో విశ్వసనీయతకు అర్థం చెప్పిన సమర్థ నాయకుడు వైయస్ అన్నారు. ఏడాది పాటు రుణాల వసూళ్లు వాయిదా వేయాలన్నారు. రైతుల సమస్యలపై ప్రభుత్వం వెంటనే స్పందించాలన్నారు. లేదంటే రోజులు దగ్గరపడుతాయన్నారు. ఆ పరిస్థితి తెచ్చుకోవద్దని హితవు పలికారు. రంగుమారిన, మొలకెత్తిన ధాన్యాన్ని కొనాలన్నారు. రుణాలపై వడ్డీలు మాఫీ చేయాలన్నారు.