ముక్కు నేలకు రాయించి రైతులకు న్యాయం చేస్తాం: నామా

ఖమ్మం: తెలుగుదేశం పార్టీ అధ్యక్షుడు, మాజీ ముఖ్యమంత్రి నారా చంద్రబాబునాయుడిది రాజకీయ దీక్ష అన్న తెలంగాణ రాష్ట్ర సమితిపై ఆ పార్టీ సీనియర్ నేత, ఖమ్మం పార్లమెంటు సభ్యుడు నామా నాగేశ్వరరావు ధ్వజమెత్తారు. రైతు బిడ్డలు తెలుగుదేశం పార్టీ వెంట ఉండకూడదనే వారు ఇలాంటి ఆరోపణలు చేస్తున్నారా అని ఆయన ప్రశ్నించారు. రైతు బిడ్డలు కూడా బాగా చదువుకోవాలని చంద్రబాబు ఆకాంక్ష అన్నారు.

తెలంగాణ రైతుల కన్నీళ్లు ఏనాడు పట్టించుకోని తెలంగాణ రాష్ట్ర సమితి పార్టీ, ఆ పార్టీ అధ్యక్షుడు తెలంగాణ రైతాంగానికి క్షమాపణ చెప్పాలన్నారు. కాంగ్రెస్ ప్రభుత్వం రైతు సమస్యలపై మా డిమాండ్లు అంగీకరించకుంటే ప్రభుత్వం ముక్కు నేలకు రాయించి అయినా రైతులకు న్యాయం జరిగేలా కృషి చేస్తామన్నారు.