అజ్ఝాతం వీడిన స్వాతి వీక్లీ సంపాదకుడు వేమూరి బలరామ్

విజయవాడ: కుటుంబ సభ్యులతో చెలరేగిన వివాదం నేపథ్యంలో అజ్ఞాతంలోకి వెళ్లిన స్వాతి వీక్లీ సంపాదకుడు వేమూరి బలరామ్ శుక్రవారం విజయవాడలో ప్రత్యక్షమయ్యారు. మీడియా సహకారంతో ఆయన విజయవాడలోని తన నివాసానికి చేరుకున్నారు. బలరామ్ లేని సమయంలో ఆయన భార్య, కూతురు, అల్లుడు స్వాతి కార్యాలయాన్ని స్వాధీనం చేసుకున్న విషయం తెలిసిందే. దీనిపై ఆయన హైకోర్టుకు వెళ్లి తనకు అనుకూలంగా ఆదేశాలు పొందారు.

సివిల్ వివాదంలో పోలీసుల జోక్యం వల్ల తనకు అన్యాయం జరిగిందని ఆయన మీడియా ప్రతినిధులతో అన్నారు. హైకోర్టు ఆదేశాలు తనకు అనుకూలంగా ఉన్నాయని, తనకు న్యాయం జరిగిందని ఆయన అన్నారు. తనకు ప్రాణహాని ఉందని ఆయన ఆందోళన వ్యక్తం చేశారు. తన భార్య, కూతురు, అల్లుడు, బావరమదుల నుంచి తనకు ప్రాణహాని ఉందని ఆయన ఆరోపించారు. దీనిపై తాను పోలీసులకు ఫిర్యాదు చేయనున్నట్లు ఆయన తెలిపారు.