జగన్ దీక్షకు ఎమ్మెల్యేలతో పాటు రోజా, లక్ష్మీపార్వతి

విజయవాడ: రైతు సమస్యలపై లక్ష్యదీక్ష చేపట్టడానికి విజయవాడుకు వచ్చిన వైయస్ జగన్ ను కొంత మంది కాంగ్రెసు శాసనసభ్యులు కలిశారు. శాసనసభ్యులు మేకపాటి చంద్రశేఖర రెడ్డి, మద్దాల రాజేష్, ఉగ్రనరసింహారెడ్డి, ద్వారంపూడి చంద్రశేఖర రెడ్డి, శ్రీకాంత్ రెడ్డి, బాలినేని శ్రీనివాస రెడ్డి, కుంజా సత్యవతి, రేగ కాంతారావు విజయవాడకు చేరుకున్నారు. ఎమ్మెల్సీలు పుల్లా పద్మావతి, జూపూడి ప్రభాకర రావు కూడా విజయవాడకు చేరుకున్నారు.

సినీ నటి, రాజకీయ నాయకురాలు రోజా, ఎన్టీఆర్ సతీమణి లక్ష్మీపార్వతి కూడా విజయవాడలోని వైయస్ జగన్ దీక్షా శిబిరానికి చేరుకున్నారు. సినీ నటుడు విజయచందర్, ధర్మవరపు సుబ్రహ్మణ్యం కూడా వచ్చారు. వైయస్ జగన్ అభిమానులు వివిధ ప్రాంతాల నుంచి విజయవాడకు చేరుకుంటున్నారు. ట్రాఫిక్ సమస్యలు తలెత్తకుండా పోలీసులు తగిన చర్యలు తీసుకున్నారు.