నెల్లూరులో జైతెలంగాణ నినాదాలు: తోపులాట, ఉద్రిక్తత

నెల్లూరు: తెలంగాణ ప్రాంతంలో జై తెలంగాణ నినాదం వినిపిస్తే పెద్దగా అశ్చర్యం చెందవలసిన అవసరం లేదు. అయితే సీమాంధ్రలో వినిపించటం విశేషం. ఆంధ్రలోని శ్రీ పొట్టి శ్రీరాములు నెల్లూరు జిల్లాలో ఈ సంఘటన జరిగింది. ఆంధ్రప్రదేశ్ యూనియన్ ఆప్ వర్కింగ్ జర్నలిస్టుల సంఘం (ఎపియుడబ్లుజె) రాష్ట్ర మహాసభలు శ్రీ పొట్టి శ్రీరాములు నెల్లూరు జిల్లాలో జరుగుతున్నాయి. మహా సభ సందర్భంగా సోమవారం మంత్రి ఆనం రామనారాయణరెడ్డి మహాసభలకు వచ్చి ప్రసంగిస్తున్నారు. ఆ సమయంలో అక్కడే ఉన్న తెలంగాణ జర్నలిస్టులు జై తెలంగాణ అని నినాదాలు చేశారు.

అనుకోని హఠత్పరిణామానికి మంత్రి సైతం ఆశ్చర్యపోయాడు. సీమాంధ్ర జర్నలిస్టులు వెంటనే జై సమైక్యాంధ్ర అంటూ నినాదాలు చేశారు. జై తెలంగాణ, జై సమైక్యాంధ్ర నినాదాలు పోటా పోటీగా చేసుకున్నారు. అది కాస్త ఉద్రిక్తంగా మారింది. ఇరు వర్గాల మధ్య తీవ్ర వాదోపవాదులు చోటు చేసుకున్నాయి. ఇరువర్గాల మధ్య తోపులాట చోటు చేసుకోవటంతో అక్కడి పరిస్థితి తీవ్ర ఉద్రిక్తంగా మారింది.