డిఎల్, తులసిరెడ్డిలకు ప్రతి సవాల్ విసిరిన వైయస్ జగన్ క్యాంప్

ఒంగోలు/ కడప: తమకు సవాల్ విసిరిన మంత్రి డిఎల్ రవీంద్రా రెడ్డి, కాంగ్రెసు అధికార ప్రతినిధి తులసిరెడ్డి విసిరిన సవాళ్లను స్వీకరించడానికి మాజీ పార్లమెంటు సభ్యుడు వైయస్ జగన్ వర్గానికి చెందిన నాయకులు స్వీకరించడానికి సంసిద్ధత వ్యక్తం చేశారు. కడప పార్లమెంటు నియోజకవర్గంలో వైయస్ జగన్‌పై పోటీ చేయాలని మాజీ మంత్రి బాలినేని శ్రీనివాస్ రెడ్డి తులసిరెడ్డికి సవాల్ విసిరారు. కృష్ణా ట్రిబ్యునల్ తీర్పుపై పార్లమెంటు సభ్యులు స్పందించకపోవడం వల్లనే వైయస్ జగన్ ఢిల్లీలో దీక్ష చేపట్టారని ఆయన శుక్రవారం మీడియా ప్రతినిధులతో చెప్పారు. కేంద్ర ప్రభుత్వం చర్యలకు ఉపక్రమిస్తే తాము స్పందిస్తామని ఆయన చెప్పారు.

కాగా, మంత్రి డిఎల్ రవీంద్రా రెడ్డి రాజీనామా వ్యవహారాన్ని కడప జిల్లా జమ్మలమడుగు శాసనసభ్యుడు ఆదినారాయణ రెడ్డి డ్రామాగా అభివర్ణించారు. ప్రజల కోసం డిఎల్ రవీంద్రా రెడ్డి 20 పైసలు కూడా ఖర్చు పెట్టలేదని ఆయన అన్నారు. డిఎల్ రవీంద్రా రెడ్డి రాజీనామా చేస్తానంటే ప్రజలు నమ్మే స్థితిలో లేరని ఆయన అన్నారు.