రెండు నెలల్లో రెండుసార్లు పెట్రో ధరలు పెంచింది: కేంద్రంపై చిరంజీవి ధ్వజం

హైదరాబాద్: పెట్రో ధరల పెంపుపై ప్రజారాజ్యం వ్యవస్థాపక అధ్యక్షుడు చిరంజీవి కేంద్రంపై ఆదివారం తీవ్రస్థాయిలో ధ్వజమెత్తారు. యూపిఏ పాలనలో ప్రజలు జీవించే స్థితిలో లేకుండా పోయిందని అన్నారు. కేంద్రం రెండు నెలల్లోనే రెండుసార్లు పెట్రోలు ధరలను పెంచిందన్నారు. పేదలపై మోయలేని భారం మోపుతుందని ఆరోపించారు. ఆమ్‌ఆద్మీగా చెప్పుకునే కాంగ్రెస్ ప్రభుత్వం వారిని విస్మరిస్తుందన్నారు. ప్రభుత్వం ఇఫ్పటికైనా పెరిగిన పెట్రో ధరలను కట్టడి చేయాలని కోరారు. లేదంటే ప్రభుత్వ వైఖరికి నిరసనగా ఆందోళనలు చేస్తామన్నారు.

పెట్రో ధరలు తగ్గించే వరకు ప్రజారాజ్యం పార్టీ ఆధ్వర్యంలో ఆందోళనలు తగ్గించమని హెచ్చరించారు. యూపీఏ పాలనలో ప్రజల జీవనస్థితి ఖరీదుగా మారిందన్నారు. ఉన్నవారు మరింత ఉన్నవారుగా, లేనివారు మరింత లేనివారుగా తయారవుతున్నారు. సామాన్యుని ఓటుతో గెలిచిన అధికారం చేజిక్కించుకున్న ప్రభుత్వాలు ఆ సామాన్యుని విస్మరించటం శోచనీయమన్నారు.