వత్సల బ్లాక్ మెయిలర్, ఆరోపపలన్నీ అబద్ధం: రత్నప్రభ

ఒంగోలు: తనపై వత్సల అనే మహిళ చేసిన ఆరోపణలన్నీ అవాస్తవాలని ఐఎఎస్ అధికారి రత్నప్రభ స్పష్టం చేశారు. తనకు రత్నప్రభ నుంచి ప్రాణహాని ఉందంటూ వత్సల అనే మహిళ ప్రకాశం జిల్లా కనిగిరి కోర్టులో ఫిర్యాదు చేసిన విషయం తెలిసిందే. వత్సల బ్లాక్ మెయిలర్ అని రత్నప్రభ వ్యాఖ్యానించారు. వత్సల తన నాన్న పేరును దుర్వినియోగం చేసిందని ఆమె ఆరోపించారు. తాను వత్సలను బెదిరించలేదని, బెదిరింపు ఎస్ఎంఎస్‌లు పంపలేదని ఆమె వివరణ ఇచ్చారు.

వత్సల దళితులకు చెందిన అసైన్డ్ భూములు కొనుగోలు చేస్తోందని తెలిసి విచారణ చేపట్టాలని తాను ప్రకాశం జిల్లా కలెక్టర్‌కు సూచించానని, తనపై ఫిర్యాదు చేయవద్దని వత్సల తనను కోరిందని, తాను వినలేదని, దాంతో తనపై వత్సల ఫిర్యాదు చేసిందని ఆమె వివరణ ఇచ్చారు. తానేమిటో ప్రజలకు తెలుసునని రత్నప్రభ అన్నారు.