• search
  • Live TV
విజయవాడ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ మళ్లీ వస్తారు, కెసిఆర్ కాంగ్రెసులో కలుస్తారు: లగడపాటి

By Pratap
|
Google Oneindia TeluguNews
Lagadapati Rajagopal
విజయవాడ: మాజీ పార్లమెంటు సభ్యుడు వైయస్ జగన్ 2014 ఎన్నికల నాటికి తిరిగి కాంగ్రెసులోకి వస్తారని కాంగ్రెసు విజయవాడ పార్లమెంటు సభ్యుడు లగడపాటి రాజగోపాల్ ఆశాభావం వ్యక్తం చేశారు. కె. చంద్రశేఖర రావు తన తెలంగాణ రాష్ట్ర సమితి (తెరాస)ను కాంగ్రెసులో విలీనం చేస్తారని ఆయన మంగళవారం మీడియా ప్రతినిధుల సమావేశంలో చెప్పారు. ప్రాంతీయ, ఉప ప్రాంతీయ పార్టీలు ఏదో ఒక జాతీయ పార్టీలో చేరాలని, ఈ విషయంలో చిరంజీవి ఆదర్శనాయకుడని ఆయన అన్నారు. ప్రాంతీయ, ఉప ప్రాంతీయ పార్టీల వల్ల దేశ సమైక్యతకు భంగం వాటిల్లుతుందని, విద్వేషాలు పెచ్చరిల్లుతాయని ఆయన అన్నారు. దేశంలో రెండు జాతీయ పార్టీలు ఉండాలని, బిజెపి ప్రత్యామ్నాయం మంచిదేనని ఆయన అన్నారు.

రాజకీయ అవగాహన లేకనే చిరంజీవి ఎన్నికలకు ముందు ప్రజారాజ్యం పార్టీని స్థాపించారని, రాజకీయ అవగాహనతో ప్రజారాజ్యం పార్టీని కాంగ్రెసులో విలీనం చేశారని ఆయన అన్నారు. రెండేళ్ల ప్రయత్న ఫలితంగా ప్రజారాజ్యం పార్టీ కాంగ్రెసులో విలీనం అయిందని, చిరంజీవిలో మార్పు వచ్చి విలీనానికి అంగీకరించారని ఆయన అన్నారు. చిరంజీవిలో వచ్చిన మార్పు తెలుగుదేశం పార్టీ నాయకుల్లోనూ రావాలని ఆయన అన్నారు. తెలుగుదేశం పార్టీని చంద్రబాబు ఏదో జాతీయ పార్టీలో విలీనం చేయాలని ఆయన సూచించారు. చిరంజీవిలో వచ్చిన మార్పు వస్తే చంద్రబాబును, కెసిఆర్‌ను కాంగ్రెసులో చేర్చుకుంటామని ఆయన చెప్పారు. రాష్ట్ర విభజనపై రెండో ఎస్సార్సీయే కాంగ్రెసు పార్టీ విధానమని ఆయన చెప్పారు.

English summary
Congress Vijayawada MP Lagadapati Rajagopal hped that Ex MP YS Jagan will rejoin his party by 2014 election. He also said that, KCR will merge TRS in Congress. He suggested Chandrababu to merge Telugudesam party one of the National Parties. He opposed regional parties existence, as they will provocate people on regional basis.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X