తెలంగాణవాదులను అర్థనగ్నం చేసి చితకబాదిన పోలీసులు

By Pratap

Published: Wednesday, February 9, 2011, 15:41 [IST]

మహబూబ్‌నగర్: మహబాబ్‌నగర్ జిల్లాలో పోలీసులు తెలంగాణవాదులపై దౌర్జన్యానికి దిగారు. మంగళవారం ఉదయం మహబూబ్‌నగర్ జిల్లాలోని తిమ్మాజీపేట మండలం కొడపర్తి, గొరిట గ్రామాల్లో పోలీసులు తెలంగాణవాదులను అర్థనగ్నం చేసి చితకబాదారు. రచ్చబండను అడ్డుకోవడానికి ప్రయత్నించిన తెలంగాణవాదులపై పోలీసులు తమ ప్రతాపాన్ని ప్రదర్శించారు. గ్రామాల్లోకి ఎవరూ రాకుండా అడ్డుకున్నారు. తెలంగాణవాదులను దశలవారీగా స్టేషన్‌కు తరలించి చితకబాదారు.

మీడియా ప్రతినిధులపై కూడా పోలీసులు దౌర్జన్యానికి దిగారు. ఈ సంఘటనతో గ్రామాల్లో తీవ్ర ఉద్రిక్తత చోటు చేసుకుంది. సంఘటన గురించి తెలిసిన వెంటనే తెలుగుదేశం తెలంగాణ ఫోరం కన్వీనర్ నాగం జనార్దన్ రెడ్డి గ్రామాలకు బయలుదేరారు. తెలంగాణావాదులు పోలీసులపై తీవ్రంగా ధ్వజమెత్తుతున్నారు.

Published On February 9, 2011