ఛాలెంజ్ చేస్తే మా నిర్ణయం మార్చుకుంటాం: జగన్ వర్గం నేత అంబటి

By Srinivas

Published: Monday, February 14, 2011, 12:51 [IST]

గుంటూరు: ప్రభుత్వం విషయంలో ఎవరైనా ఛాలెంజ్ చేస్తే మా నిర్ణయంలో మార్చుకుంటామని మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం నేత అంబటి రాంబాబు సోమవారం అన్నారు. ప్రభుత్వాన్ని పడగొట్టే ఉద్దేశ్యం మాకు లేదన్నారు. అయితే కాంగ్రెసు పార్టీలో ఎవరైనా సవాల్ చేస్తే మాత్రం మా నిర్ణయం మార్చుకునే అవకాశం ఉందన్నారు. కాంగ్రెసు పార్టీలో జగన్‌కు మద్దతు ఇచ్చే ఎమ్మెల్యేలు చాలామంది ఉన్నారన్నారు. అయితే సమయం వచ్చినప్పుడు వారంతా అండగా నిలబడడానికి సిద్ధంగా ఉన్నారన్నారు.

ముఖ్యమంత్రి కిరణ్‌కుమార్ రెడ్డి దివంగత ముఖ్యమంత్రి వైయస్ రాజశేఖరరెడ్డి వారసుడిని అంటూ చెప్పుకుంటూనే ఆయన ప్రవేశ పెట్టిన పథకాలకు తూట్లు పొడుస్తున్నారన్నారు. ఈనెల 18వ తేదిన వైయస్ జగన్ ఫీజు రీయింబర్సుమెంట్సు కోసం చేస్తున్న దీక్షలో విద్యార్థుల తల్లిదండ్రులు భారీగా పాల్గొనాలని ఆయన కోరారు.

Published On February 14, 2011