యెడ్యూరప్పకు ఊరట: ఆ ఎమ్మెల్యేలపై అనర్హత వేటు సరైందేనన్న హైకోర్టు

బెంగళూరు: ఐదుగురు కర్ణాటక శాసనసభ్యులపై స్పీకర్ అనర్హత వేటు వేసిన కేసులో ముఖ్యమంత్రి యెడ్యూరప్పకు మరింత ఊరట లభించింది. ఐదుగురు స్వతంత్ర శాసనసభ్యులపై స్పీకర్ అనర్హత వేటు వేయడాన్ని కర్ణాటక హైకోర్టు సోమవారం సమర్థించింది. పార్టీ ఫిరాయింపుల నిరోధక చట్టం కింద స్పీకర్ బోపన్న ఐదుగురు స్వతంత్ర అభ్యర్థులపై అనర్హత వేటు వేసిన విషయం తెలిసిందే.

యడ్యూరప్ప విశ్వాస పరీక్షకు సిద్ధపడడానికి ఒక రోజు ముందు స్పీకర్ బోపన్న అక్టోబర్ 10వ తేదీన స్వతంత్ర సభ్యులు పిఎం నరేంద్ర స్వామి, వెంకటరమణప్ప, గులిహట్టి శేఖర్, డి. సుధాకర, శివరాజ్ తంగడగిలపై అనర్హత వేటు వేశారు. యడ్యూరప్ప ప్రభుత్వానికి మద్దతు ఉపసంహరించుకుంటూ 11 మంది బిజెపి సభ్యులతో పాటు ఈ ఐదుగురు సభ్యులు గవర్నర్‌కు అంతకు ముందు లేఖ ఇచ్చారు.

English summary

Relief for Yeddyurappa, HC upholds disqualification of Independent MLAs