ప్రధాని మన్మోహన్ బలహీనత బయటపడింది: నితిన్ గడ్కరీ

న్యూఢిల్లీ/హైదరాబాద్: అవినీతిని అరికట్టడంలో ప్రధానమంత్రి మన్మోహన్ సింగ్ పూర్తిగా విఫలమయ్యారని భారతీయ జనతా పార్టీ జాతీయ అధ్యక్షుడు నితిన్ గడ్కరీ బుధవారం అన్నారు. ప్రధాని మన్మోహన్ సింగ్ అవినీతిని కప్పి పుచ్చే ప్రయత్నాలు చేస్తున్నారన్నారు. ఎడిటర్స్ మీటింగ్‌లో ప్రధాని వ్యాఖ్యల ద్వారా ఆయన బలహీనత బయటపడిందన్నారు. ప్రధాని సంకీర్ణ పార్టీలకు జవాబుదారీ కాదన్నారు. ఆయన ప్రజలకు జవాబుదారీగా ఉండాలని సూచించారు. అవినీతిని అరికట్టడంలో ప్రభుత్వం వైఫల్యం పూర్తిగా బయటపడుతుందన్నారు. ప్రభుత్వ వైఖరి, పాలసీలే ధరలు పెరుదలకు కారణమన్నారు.

కాగా గురువారం భారతీయ జనతా పార్టీ నిర్వహించనున్న మహా పోరాటానికి ప్రభుత్వం అడ్డంకులు సృష్టిస్తోందని హైదరాబాదులో బిజెపి రాష్ట్ర అధ్యక్షుడు కిషన్ రెడ్డి ఆరోపించారు. పోలీసులు అనవసర ఆంక్షలు పెడుతున్నారన్నారు. అయితే ఎన్ని అడ్డంకులు వచ్చిన సభను నిర్వహిస్తామన్నారు. హైకోర్టు కూడా సభకు అనుమతి ఇచ్చిందని, ప్రభుత్వం హైకోర్టు నిర్ణయాన్ని గౌరవించకపోవడం శోచనీయమన్నారు.

English summary

BJP national president Nithin Gadkhari said today, Prime Minister Manmohan Singh weakness came out in his editors press meet. He said Manmohan was failed to stop corruption.