జగన్ దీక్ష రాజకీయాలకు అతీతం, అందుకే మద్దతు: ఎమ్మెల్యే సికె బాబు

By Srinivas

Published: Saturday, February 19, 2011, 15:05 [IST]

హైదరాబాద్: ప్రజామోదం ఉన్నవారే నాయకులు అవుతారని ముఖ్యమంత్రి కిరణ్‌కుమార్ రెడ్డి జిల్లా చిత్తూరుకు చెందిన శాసనసభ్యుడు సికె బాబు శుక్రవారం అన్నారు. ఆయన విద్యార్థుల ఫీజు రీయింబర్స్‌మెంట్స్ కోసం ఫీజు పోరు దీక్షలో ఉన్న మాజీ పార్లమెంటు సభ్యుడు వైఎస్ జగన్మోహన్ రెడ్డిని కలిసి సంఘీభావం తెలిపారు. అనంతరం ఆయన విలేకరులతో మాట్లాడారు. జగన్ విద్యార్థుల సమస్యపై పోరాడుతున్నారు కాబట్టి సంఘీభావం తెలిపానని అన్నారు. జగన్‌కు సంఘీభావం తెలిపినంత మాత్రాన ఆయనకు మద్దతు ప్రకటించినట్లు కాదన్నారు.

సమస్యపైన ఎవరు స్పందించినా మద్దతు ఉంటుందన్నారు. రాజకీయాలకు అతీతంగా పోరాటం చేస్తున్నందునే కలిశానని చెప్పారు. కాగా జగన్‌ను ఎమ్మెల్యేలు సుచరిత, ఖమ్మం ఎమ్మెల్యే కుంజా సత్యవతి సైతం కలిశారు. హైదరాబాద్‌కు చెందిన పలువురు లాయర్లు జగన్‌ను కలిసి తమ సంఘీభావాన్ని ప్రకటించారు.

Published On February 19, 2011