అడ్డుకోవడానికి వెళ్లాం.. కానీ దాడి చేయడానికి కాదు

హైదరాబాద్: ఈనెల 17న ఉభయ సభలను ఉద్దేశించి గవర్నర్ చేసిన ప్రసంగం ముగిసిన అసెంబ్లీ మీడియా పాయింట్ వద్ద లోక్‌సత్తా శాసనసభ్యుడు జయప్రకాష్ నారాయణపై టిఆర్ఎస్ కార్యకర్తలు దాడి చేసిన సంగతి తెలిసిందే. కాగా.. జెపీపై దాడి ఘటనకు సంబంధించిన సమగ్ర నివేదికను అసెంబ్లీ చీఫ్ మార్షల్ ఆర్థర్ శనివారం డిప్యూటీ స్పీకర్ నాదెండ్ల మనోహర్‌కు సమర్పించారు. ఈ నివేదికలో టీఆర్‌ఎస్ ఎమ్మెల్యేలు ఈటెల రాజేందర్, హరీశ్‌రావు, విద్యాసాగర్‌ల వాంగ్మూలాన్ని చీఫ్ మార్షల్ నమోదు చేశారు.

మార్షల్స్‌కు వారిచ్చిన వాంగ్మూలంలో.. జయప్రకాష్ నారాయణ్ చేసిన వ్యాఖ్యలు తమను తీవ్రంగా బాధించాయని, దానిపై ప్రశ్నించేందుకే ఆయన వద్దకు వెళ్లామని పేర్కొన్నారు. జయప్రకాష్ నారాయణ్ తెలంగాణ ప్రాంతలో గెలిచి, తిరిగే అదే ప్రాంతానికి వ్యతిరేకంగా ఎలా మాట్లాడతారని వారు ప్రశ్నించారు. వేరెవరో జేపీపై దాడి చేస్తుంటే అడ్డుకునేందుకే తాము వెళ్లామని, తాము మాత్రం దాడి చేయలేదని తెరాస ఎమ్మెల్యేలు తమ వంగ్మూలంలో తెలిపారు.

English summary

A complet report submitted to the Deputy Speaker, Mr Nadendla Manohar, on the attack of Lok Satta Party member, Dr Jayaprakash Narayan. On Feb 17 Jayaprakash Narayan was attaked by TRS MLA's on the premises of the Assembly.