టిఆర్ఎస్ మిలియన్ మార్చ్‌కు ప్రజా ఫ్రంట్ నేత గద్దర్ మద్దతు

హైదరాబాద్: తెలంగాణ రాష్ట్ర సమితి మార్చ్ 10వ తారీఖున చేపట్టనున్న మిలియన్ మార్చ్‌కు తెలంగాణ ప్రజా ఫ్రంట్ తన సంపూర్ణ మద్దతు ప్రకటిస్తుందని తెలంగాణ ప్రజా ఫ్రంట్ చైర్మన్, ప్రజా గాయకుడు గద్దర్ ఆదివారం చెప్పారు. తెలంగాణకోసం ఎవరు ఉద్యమం చేసినా మేం మద్దతు ఇస్తామని చెప్పారు. ఆ కోవలో తెలంగాణ రాష్ట్ర సమితి చేపట్టనున్న రైల్ రోకోకు, మిలియన్ మార్చ్‌కు ప్రజా ఫ్రంట్ సంపూర్ణ మద్దతు ఇస్తుందన్నారు. ప్రజా ఫ్రంట్ మద్దతుదారులు ఆయా కార్యక్రమాలకు వెళతారని ఆయన చెప్పారు.

రైల్‌రోకో కార్యక్రమం సందర్భంగా అక్కడే దీక్షా శిబిరాలు ఏర్పాటు చేయాలని సూచించారు. కేంద్ర ప్రభుత్వం వెంటనే తెలంగాణ రాష్ట్రంపై ఒక నిర్ణయానికి రావాలన్నారు. ఎంత తొందరగా తెలంగాణను ప్రకటిస్తే అంత మంచిదని కేంద్ర ప్రభుత్వానికి సూచించారు. కేంద్రం వెంటనే తెలంగాణను ప్రకటించకుంటే ఉద్యమం మరింత ఉధృతంగా మారుతుందన్నారు. తొందరగా నిర్ణయం తీసుకుంటే మంచిది అని సూచించారు.

English summary

Telangana Praja Front chairman, Praja Gayakudu Gaddar said TPF will support TRS million march. He demand central government for separate Telangana state.