తెలంగాణపై ఓపిక పట్టండి: రాజకీయ పార్టీలకు సిఎం కిరణ్ కుమార్

By Pratap

Published: Tuesday, March 1, 2011, 15:11 [IST]

హైదరాబాద్‌: తెలంగాణపై కేంద్రం నిర్ణయం వచ్చేవరకు ఆందోళనలు విరమించుకోవాలని అన్ని పార్టీలకు, తెలంగాణ జెఎసికి ముఖ్యమంత్రి కిరణ్‌కుమార్‌రెడ్డి విజ్ఞప్తి చేశారు. శ్రీకృష్ణ కమిటీ నివేదికపై కేంద్రం నిర్ణయం తీసుకునేవరకు అందరూ ఓపికపట్టాలని ఆయన కోరారు. శ్రీకృష్ణ కమిటీ నివేదికపై కేంద్ర ప్రభుత్వం చర్యలు తీసుకునే క్రమంలో ఉందని ఆయన చెప్పారు. విద్యార్థుల భవిష్యత్‌ను దృష్టిలో పెట్టుకొని పరీక్షలకు ఆటంకాలు కలించవద్దని కోరారు. ఒక్క తెలంగాణలోనే 20 లక్షల మంది ప విద్యార్థులు వివిధ పరీక్షలు రాయాల్సి ఉందన్నారు. అన్ని పార్టీలలాగే కాంగ్రెస్‌లోనూ తెలంగాణ సమస్య ఉందన్నారు. కాకరాపల్లి ఘటనలో పోలీసులు కొంత సంయమనం పాటించి ఉంటే బాగుండేదని అభిప్రాయపడ్డారు.

ప్రభుత్వ సలహాదారుల విషయంలో యథాతథ స్థితి కొనసాగుతోందని ఆయన చెప్పారు. కాంగ్రెసు పార్టీ ఎమ్మెల్సీ అభ్యర్థుల ఎంపిక తుది దశలో ఉందని ఆయన చెప్పారు. ఎన్ని సీట్లు గెలుస్తామనేది ఇప్పుడే చెప్పలేమని ఆయన చెప్పారు. రహేజా, ఎమ్మార్ ప్రాపర్టీస్ కుంభకోణాల్లో ప్రభుత్వ సొమ్మును రాబట్టాల్సి ఉందని ఆయన చెప్పారు.

Published On March 1, 2011