• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మారని స్థితి: తెలంగాణపై మళ్లీ దద్దరిల్లిన లోకసభ, అద్వానీ బాసట

By Pratap
|

Parliament
న్యూఢిల్లీ: లోకసభ గురువారం మధ్యాహ్నం రెండు గంటలకు తిరిగి ప్రారంభమైన తర్వాత కూడా పరిస్థితిలో మార్పు రాలేదు. తెలంగాణ అంశంపై మరోసారి లోకసభ దద్ధరిల్లింది. తెలంగాణ రాష్ట్ర సమితి (తెరాస) సభ్యులు కె. చంద్రశేఖర రావు, విజయశాంతి స్పీకర్ పోడియం వద్దకు దూసుకెళ్లి నినాదాలు చేశారు. కాంగ్రెసు తెలంగాణ ప్రాంత పార్లమెంటు సభ్యులు కూడా తెలంగాణ నినాదాలు చేశారు. వారికి జాతీయ ప్రజాస్వామ్య కూటమి (ఎన్‌డిఎ) సభ్యులు మద్దతు పలికారు. తెలంగాణ పార్లమెంటు సభ్యులకు మాట్లాడే అవకాశం ఇవ్వాలని బిజెపి అగ్రనేత ఎల్‌కె అద్వానీ సభాపతిని కోరారు. గొడవ జరుగుతుండగానే అద్వానీ తెలంగాణకు మద్దతుగా మాట్లాడారు. చట్టసభల ద్వారా తెలంగాణ రాష్ట్రం ఏర్పడాలని వారు కోరుకుంటున్నట్లు ఆయన తెలిపారు.

తెలంగాణ పార్లమెంటు సభ్యులు ప్రజల ఆకాంక్షను వ్యక్తం చేస్తున్నారని, తెలంగాణ ప్రజలు తెలంగాణ రాష్ట్ర ఏర్పాటును కోరుకుంటున్నారని ప్రతిపక్ష నేత సుష్మా స్వరాజ్ అన్నారు. ఆంధ్రప్రదేశ్ రాష్ట్రంలో పాలన స్తంభించిపోయిందని ఆమె అన్నారు. ముఖ్యమంత్రి జీతం రాలేదని, ఓ మంత్రి రాజీనామా చేశారని, రాష్ట్రంలో పరిస్థితి విషమిస్తోందని ఆమె అన్నారు. పార్లమెంటులో తెలంగాణ రాష్ట్ర ఏర్పాటుకు బిల్లు ప్రతిపాదిస్తే తాము మద్దతిస్తామని ఆమె అన్నారు. ప్రజలు ఆవేదన, ఆగ్రహం వ్యక్తం చేస్తుంటే కేంద్ర ప్రభుత్వం మాట్లాడకపోవడం సరి కాదని ఆమె అన్నారు. తెలంగాణ సభ్యులు శాంతించకపోవడంతో సభ మరోసారి వాయిదా పడింది.

తెలంగాణ పేరుతో కాంగ్రెసు ప్రజలను మోసం చేస్తోందని బిజెపి రాజ్యసభ సభ్యుడు ప్రకాష్ జవదేకర్ అన్నారు. తెలంగాణపై రాజ్యసభ సమావేశాలను బిజెపి సభ్యులు అడ్డుకున్నారు. తాము తెలంగాణపై ప్రైవేట్ సభ్యుల తీర్మానాన్ని ప్రవేశపెడుతామని ఆయన మీడియా ప్రతినిధులతో చెప్పారు. తాము తెలంగాణ కోసం పోరాటం చేస్తామని, రేపు కూడా రాజ్యసభలో పోరాడుతామని ఆయన చెప్పారు.

English summary
Lok Sabha rocked once again on Telangana issue. TRS members and Congress Telangana region MPs obstructed the Lok Sabha proceedings. so, Lok Sabha adjourned once again. 
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X