పోచారం ఓటుపై ఉత్కంఠ: టిఆర్ఎస్ అభ్యర్థికి వేసినట్టుగా అనుమానం

By Srinivas

Published: Thursday, March 17, 2011, 15:37 [IST]

హైదరాబాద్: తెలుగుదేశం పార్టీ అసంతృప్త శాసనసభ్యుడు పోచారం శ్రీనివాస్ రెడ్డి ఓటుపై టిడిపి వర్గాల్లో ఉత్కంఠ నెలకొంది. ఎమ్మెల్సీ ఎన్నికల్లో టిడిపి అందరికీ విప్ జారీ చేసిన విషయం తెలిసిందే. పోచారం శ్రీనివాస్ రెడ్డి మాత్రం గురువారం తన ఓటును వినియోగించుకున్నారు. ఆయన తన ఓటును తెలంగాణ రాష్ట్ర సమితి అభ్యర్థికి వేసినట్టుగా అనుమానిస్తున్నారు. ఓటు వేసిన అనంతరం కూడా ఆయన మాట్లాడుతూ ఆత్మ ప్రభోదానుసారం తెలంగాణ వాదానికి పాటుపడుతారనుకునే వారికి ఓటు వేశానని చెప్పారు.

దీంతో ఆ అనుమానులు పలువురిలో మరింత బలపడ్డాయి. ఆయన గత కొన్ని రోజులుగా టిడిపిని విమర్శిస్తూ టిఆర్ఎస్‌కు అనుకూలంగా మాట్లాడుతూ వస్తున్నారు. తెలంగాణకు చెందిన టిడిపి ప్రజాప్రతినిధులు అందరూ టిడిపిని వీడి బయటకు వచ్చి తెలంగాణ కోసం పోరాడాలని కూడా హెచ్చరిస్తున్నారు. కాగా అంతకుముందు నెల్లూరు జిల్లాకు చెందిన మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం టిడిపి ఎమ్మెల్యేలు నల్లపురెడ్డి ప్రసన్నకుమార్ రెడ్డి, బాలనాగిరెడ్డి విప్ తీసుకోవడానికి నిరాకరించారు.

Published On March 17, 2011