జగన్ వర్గం సస్పెన్షన్: యాక్షన్ స్టార్ట్ చేసిన కాంగ్రెసు

By Srinivas

Published: Friday, March 18, 2011, 16:15 [IST]

రాజమండ్రి: మాజీ పార్లమెంటు సభ్యుడు వైయస్ జగన్మోహన్ రెడ్డిపై కాంగ్రెసు పార్టీ అధిష్టానం యాక్షన్ ప్రారంభించింది. జగన్‌కు మద్దతు తెలిపుతున్న 13 మంది పార్టీ సీనియర్లను పార్టీనుండి పిసిసి బహిష్కరించింది. తూర్పుగోదావరి జిల్లాకు చెందిన పలువురు మాజీ ఎమ్మెల్యేలు, ఎంపీలను సస్పెండ్ చేశారు. పార్టీని ధిక్కరిస్తూ స్థానిక సంస్థలలో పోటీ చేస్తున్న వారిని, వారికి మద్దతు తెలుపుతున్న వారిని బహిష్కరించింది.

జిల్లాకు చెందిన మాజీ మంత్రి జక్కంపూడి రామ్మోహన్, మాజీ ఎమ్మెల్యేలు చిట్టబ్బాయి, వరపుల సుబ్బారావు, తోట గోపాలకృష్ణ, జగ్గిరెడ్డి, మాజీ ఎంపీలు ముద్రగడ పద్మనాభం, బుచ్చి మహేశ్వరరావులతో పాటు జక్కంపూడి విజయలక్ష్మి, రాజమండ్రి గ్రంథాలయ చైర్మన్ బైర్రాజు, రెడ్డిప్రసాద్, మహిళా నేత కొల్లి నిర్మలాదేవిలను బహిష్కరించారు.

Published On March 18, 2011