తెలంగాణవారు తాగుబోతులైతే సీమాంధ్రులు వ్యభిచారులా: టి-కాంగ్రెసు

By Srinivas

Published: Tuesday, March 22, 2011, 14:46 [IST]

హైదరాబాద్: తెలంగాణ వారు తాగుబోతులు అయితే సీమాంధ్రులు వ్యభిచారులా అని తెలంగాణ కాంగ్రెసు శాసనసభ్యుడు బూడిద బిక్షమయ్యగౌడ్ మంగళవారం సీమాంధ్ర ప్రజాప్రతినిధులపై తీవ్రస్థాయిలో ధ్వజమెత్తారు. మంగళవారం అసెంబ్లీలో కొందరు సీమాంధ్ర ఎమ్మెల్యేలు తెలంగాణకు వ్యతిరేకంగా పాంప్లెట్లు పంచిన విషయం తెలిసిందే. దీనిపై తెలంగాణ కాంగ్రెసు ప్రజాప్రతినిధుల స్పందించారు. పాలమూరు వాసులు వలసలు వెళ్లి కష్టపడి సంపాదించుకుంటారు. కానీ తాగుబోతులు కాదని మరో నేత ప్రతాప్‌రెడ్డి అన్నారు.

తెలంగాణకు, తెలంగాణ ప్రజలకు వ్యతిరేకంగా పాంప్లెట్లు పంచిన వారిపై వెంటనే చర్యలు తీసుకోవాల్సిందిగా వారు డిప్యూటీ స్పీకర్ నాదెండ్ల మనోహర్‌ను కలిసి కోరారు. స్పీకర్ వారిపై చర్యలు తీసుకోకుంటే బుధవారం సమావేశాలను స్తంభింపజేస్తామని చెప్పారు. వాటిని ముద్రించిన వారు తెలంగాణ ప్రజలకు భేషరతుగా క్షమాపణ చెప్పాలని డిమాండ్ చేశారు.

Published On March 22, 2011