ఇండియాలో .XXX డోమైన్స్ని బ్లాక్ చేస్తున్నాం: ఐటి శాఖ ఆఫీసియల్
ఐతే దీనిపై మనదేశంలో ఐటి శాఖాకి సంబంధించినటువంటి ఓ సీనియర్ అధికారి మాట్లాడుతూ మనదేశంలో మాత్రం బూతు సైట్లకోసం ప్రత్యేకంగా కేటాయించినటువంటి ఈ .xxx డోమైన్ని బ్లాక్ చేయడం జరుగుతుందని చెప్పారు. ఇది మనదేశంలో ఉన్నటువంటి ఐటి యాక్ట్ మరియు ఇండియన్ లాస్కు విరుద్దంగా ఉండడం వల్ల ఈ నిర్ణయం తీసుకోవడం జరిగిందన్నారు. ఇది మాత్రమే కాకుండా మన ప్రక్క దేశాలు అయినటువంటి ఇండోనేషియాతో పాటు మిడిల్ ఈస్ట్ దేశాలు కూడా ఈ నిర్ణయాన్ని స్వాగతించాయి.
ఈ సందర్బంలో సైబర్ లాయర్ వివేక్ సూద్ మాట్లాడుతూ ఇండియన్ పీనల్ కోడ్ ప్రకారం ఇండియాలో సెక్స్ సినిమాలు చూడడం, చదవడం నేరం. ఇలా .xxx డోమైన్కు గనుక పరిమిషన్ ఇచ్చినట్లైతే .xxx డోమైన్లలో ఉన్న స్టోరీలను, మ్యాటర్ని మనవాళ్శు తెలివిగా .com, .in వెబ్ సైట్లలలో కూడా పోస్ట్ చేసే అవకాశం లేకపోలేదన్నారు. ఒకవేళ ఎవరైనా ఇలాంటి నేరాలకు ఎవరైనా పాల్పిడితే గనుక వారిపై కఠిన చర్యలు తీసుకోవడం జరుగుతుందని అన్నారు. ఇప్పటికే .xxx డోమైన్స్కు కోసం 2,00,000 అభ్యర్థనలు రావడం జరిగిందన్నారు. వీటిని ఈనెల చివరకల్లా అప్రూవ్ చేయనున్నారు.