ఎకె ఆంటోనీకి ఫోన్ చేసి మాట్లాడిన కె. చంద్రశేఖర రావు

By Pratap

Published: Friday, March 25, 2011, 15:28 [IST]

న్యూఢిల్లీ: రక్షణ శాఖ మంత్రి ఎకె ఆంటోనీకి తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు శుక్రవారం ఫోన్ చేసి మాట్లాడారు. ఆంటోనీతో ఆయన ఏం మాట్లాడిందీ తెలియరాలేదు. అయితే ఏప్రిల్ 27వ తేదీన సికింద్రాబాదు పరేడ్ గ్రౌండ్స్‌లో తాము తలపెట్టిన బహిరంగ సభకు అనుమతి వచ్చేలా చూడాలని ఆయన ఆంటోనీని కోరినట్లు తెలుస్తోంది. కాగా, తెరాస మాజీ పార్లమెంటు సభ్యుడు వినోద్ ఆంటోనీని కలిశారు. సికింద్రాబాద్ పరేడ్ గ్రౌండ్స్‌లో తాము తలపెట్టిన బహిరంగ సభకు అనుమతి ఇప్పించాలని ఆయన ఆంటోనీని కోరారు.

ఏప్రిల్ 27వ తేదీ తెరాస ఆవిర్భావ దినోత్సవం. ఈ సందర్భంగా సికింద్రాబాదులోని పరేడ్ గ్రౌండ్స్‌లో భారీ బహిరంగ సభ నిర్వహించి తమ సత్తా చాటాలని నిర్ణయించుకున్నట్లు సమాచారం. అయితే, ఇటీవలి కాలంలో రాష్ట్ర ప్రభుత్వం ఏ విధమైన కార్యక్రమాలకు కూడా అనుమతి ఇవ్వడం లేదు. ఈ నేపథ్యంలోనే కెసిఆర్ ఆంటోనీకి ఫోన్ చేసినట్లు చెబుతున్నారు.

Published On March 25, 2011