ప్రేమ వేధింపులతో పిజి విద్యార్థిని నిఖిల ఆత్మహత్య: ఏడేళ్లుగా వేధింపులు

అదిలాబాద్: ఓ పోకిరీ ప్రేమ వేధింపుల కారణంగా అదిలాబాద్ జిల్లాలో పిజి చదువుచున్న ఓ విద్యార్థిని ఉరి వేసుకొని ఆత్మహత్య చేసుకున్న సంఘటన ఆదివారం చోటు చేసుకుంది. అదిలాబాద్ జిల్లా నిర్మల్ మండలం చిట్యాల గ్రామానికి చెందిన ఏలేటి నిఖిలను గత ఏడేళ్లుగా అదే గ్రామానికి చెందిన అరుణ్ తనను ప్రేమించమని వేధిస్తున్నాడు. అరుణ్ నిఖిలకు దూరపు బంధువు కూడా. నిఖిల పిజి చదువుతోంది. ఈమె కుటుంబం వ్యవసాయ కుటుంబం. అయితే నిఖిల అరుణ్ ప్రేమకు ఒప్పుకోనప్పటికీ ఆయన మాత్రం ఏడేళ్లుగా వేధిస్తున్నాడు.

దీంతో గతంలో కుల పెద్దల దృష్టికి ఈ విషయాన్ని తీసుకు వెళ్లారు. కులపెద్దలు పంచాయతీ పెట్టి వారించడంతో అప్పటికి ఊరుకున్నాడు. ఆ తర్వాత కొంతకాలానికి మళ్లీ వేధింపులకు పాల్పడటంతో నిర్మల్ రూరల్ పోలీసు స్టేషన్‌లో కేసు పెట్టారు. పోలీలుసు అరుణ్‍‌‌ను పిలిపించి కౌన్సిలింగ్ ఇచ్చారు. అయినప్పటికీ మార్పు లేదు. అరుణ్ పోకిరీగా ఊళ్లో తిరుగుతుంటాడు. అరుణ్ మళ్లీ తనను ప్రేమించాలని వేధించడంతో తట్టుకోలేక పోయిన నిఖిల ఆదివారం ఉరి వేసుకొని చనిపోయింది. పోలీసులు కేసు నమోదు చేసుకొని దర్యాఫ్తు చేస్తున్నారు.

English summary

A Girl student was committed suicide for love harassement. Nikhila, who belongs to Chityala village of Adilabad district was harassed by Arun from seven years.