మహిళా ఎస్‌ఐ ఇంట్లో చోరీ: క్వార్టర్‌లోనే లాప్‌టాప్, నగదు చోరీ

హైదరాబాద్: పోలీసు క్వార్టర్‌లోనే దొంగలు పడిన సంఘటన బుధవారం హైదరాబాదులో చోటు చేసుకుంది. అదీ సాక్ష్యాత్తూ డిజిపి కార్యాలయం పరిసరాల్లో ఉన్న పోలీసు క్వార్టర్‌లో ఉన్న ఓ మహిళా ఎస్‌ఐ ఇంటిలో దొంగతన జరగటం విశేషం. లక్డీకాపూల్‌లోని డిజిపి కార్యాలయం పక్కన ఉన్న పోలీసు క్వార్టర్స్‌లో ఉంటున్న మహిళా సబ్ ఇన్స్‌పెక్టర్ రేవతీ దేవి ఇంటిలో బుధవారం ఉదయం దొంగలు పడ్డారు.

రేవతి దేవి ఇంట్లోనుండి సదరు దొంగలు ఓ లాప్‌టాప్, బంగారం, కొంత నగదును దొంగిలించుకు పోయినట్లుగా తెలుస్తోంది. అయితే తమ క్వార్టర్స్‌లోనే దొంగలు పడటంతో పోలీసులు కొంత అయోమయానికి లోనయ్యారు. ఎస్ఐ రేణుగాదేవి ఇంట్లోనుండి లాప్‌టాప్ ఎత్తుకెళ్లిన దొంగ ఎవరే వెతుకులాడే పనిలో పడ్డట్టుగా తెలుస్తోంది.

English summary

A theft take place in woman SI residence today. Theft took laptop and gold from her house.