పాకిస్తాన్ జైలు నుంచి 27 ఏళ్ల తర్వాత భారతీయుడికి విముక్తి

అమృతసర్: దాదాపు 27 ఏళ్ల పాటు పాకిస్తాన్ జైలులో ఉన్న గోపాల్ దాస్ అనే భారత జాతీయుడికి 27 ఏళ్ల తర్వాత విముక్తి లభించింది. అతను 27 ఏళ్ల పాటు పాకిస్తాన్‌లోని లాహోర్ జైలులో గడిపాడు. భారత సరిహద్దులు దాటి పాకిస్తాన్‌లోకి ప్రవేశించడంతో గూఢచర్యం చేస్తున్నాడనే ఆరోపణలతో దాస్‌ను ఆరెస్టు చేసి జైలులో పెట్టారు. దాస్‌కు జీవిత ఖైదు పడింది. దాంతో అతను ఈ ఏడాది ఆఖరులో విడుదల కావాల్సి ఉంది.

దాస్‌ను అత్తరి సరిహద్దుల వద్ద పాకిస్తాన్ భారత ప్రభుత్వానికి అప్పగిస్తోంది. దాస్‌ను పాకిస్తానీ అధికారులు అత్తరి సరిహద్దులో వదిలేస్తారని అమృతసర్ డిప్యూటీ కమిషనర్ కహన్ సింగ్ చెప్పారు. దాస్ ఆగమనం విషయాన్ని అమృతసర్ అధికారులు అతని కుటుంబ సభ్యులకు తెలియజేశారు. దాస్‌కు పాకిస్తాన్ అధ్యక్షుడు అసిఫ్ అలీ జర్దారీ క్షమాభిక్ష ప్రసాదించారు. దీంతో అతను త్వరగా విడుదలవుతున్నాడు.

English summary

Indian national Gopal Dass, who has spent nearly 27 years in the Lahore Central Jail, will be a free man Thursday. Dass had crossed over to Pakistan inadvertently and was arrested on charges of spying.