మహిళా వర్కర్లపై మగ పోలీసుల దౌర్జన్యం: ముగ్గురికి తీవ్ర గాయాలు

By Srinivas

Published: Thursday, April 7, 2011, 14:33 [IST]

విజయనగరం: జీతాలు పెంచాలంటూ ఆందోళన చేస్తున్న ఆశా వర్కర్లపై గురువారం పోలీసులు లాఠీ ఛార్జ్ చేశారు. తమకు జీతాలు పెంచాలంటూ సుమారు రెండువందల మంది ఆశా వర్కర్లు విజయనగరం జిల్లా డిఎంహెచ్‌వో కార్యాలయం వద్ద ఉదయం ఆందోళనకు దిగారు. తమకు జీతాలు పెంచే వరకు ఆందోళన విరమించేది లేదని హెచ్చరించారు. దీంతో పోలీసులు వారిని అక్కడ నుండి పంపించడానికి ప్రయత్నాలు చేశారు.

ఆ ప్రయత్నాలు ఫలితం ఇవ్వక పోవడంతో పోలీసులు మహిళలా వర్కర్లపై లాఠీఛార్జ్ చేశారు. మహిళలపై ఎస్‌ఐ ప్రతాపం లాఠీఛార్జ్‌తో విరుచుకు పడి వారిని పంపించినట్లుగా తెలుస్తోంది. అయితే మహిళా వర్కర్లు ధర్నా చేస్తుంటే మగ పోలీసులు రావడంపై పలువురు అభ్యంతరం వ్యక్తం చేస్తున్నారు. అక్కడే ఉన్న మహిళా పోలీసులు కదలకుండా నిలబడటం విశేషం. పోలీసులు లాఠీఛార్జ్ కారణంగా ముగ్గురికి తీవ్ర గాయాలయ్యాయి. వారిని వెంటనే ఆసుపత్రికి తరలించారు.

Published On April 7, 2011