నన్ను ఒక్కడిని ఎదుర్కోవడానికి పది మంది మంత్రులు: వైయస్ జగన్

కడప‌: తనను ఒక్కడిని ఎదుర్కోవడానికి కడప జిల్లాకు కాంగ్రెసు పార్టీ పది మంది మంత్రులను పంపుతోందని వైయస్సార్ కాంగ్రెసు కడప లోకసభ అభ్యర్థి వైయస్ జగన్మోహన్ రెడ్డి అన్నారు. ఎన్నికల ప్రచారంలో భాగంగా ఆయన గురువారం కాంగ్రెసుపై దుమ్మెత్తిపోశారు. తన చిన్నాన్న వైయస్ వివేకానంద రెడ్డిని తన తల్లి వైయస్ విజయమ్మపై పోటీకి దించడం అనైతికమని ఆయన అన్నారు. వైయస్సార్ ఫొటో లేకపోతే తిరగలేమనే భయం కాంగ్రెసు అభ్యర్థి డిఎల్ రవీంద్రా రెడ్డికి పట్టుకుందని ఆయన వ్యాఖ్యానించారు. వైయస్సార్‌పై కాంగ్రెసు కపట ప్రేమను ప్రదర్శిస్తోందని ఆయన అన్నారు.

కడప, పులివెందులకు జరిగే ఉప ఎన్నికలు కేవలం సెమీ ఫైనల్స్ మాత్రమేనని, త్వరలోనే ఫైనల్స్ జరుగుతాయని ఆయన అన్నారు. కాంగ్రెస్ పార్టీ నీచ రాజకీయాలకు పాల్పడుతుందని ఆయన తీవ్రస్థాయిలో ధ్వజమెత్తారు. యురేనియం ఫ్యాక్టరీ సమస్యను త్వరలోనే మనమే పరిష్కరించుకుందామని జగన్ హామీ ఇచ్చారు. వైస్‌ఆర్ ఉన్నప్పటికీ, ఇప్పటికీ అధికారుల తీరులో మార్పు వచ్చిందని ఆయన అన్నారు.

English summary

YSR Congress party president YS Jaganmohan Reddy lashed out at Congress. He said that 10 ministers are in Kadapa to face him.