పురందేశ్వరిని పెళ్లికి ఆహ్వానించిన హరికృష్ణ, జూ ఎన్టీఆర్

కేంద్ర మంత్రి, తమ సోదరి దగ్గుబాటి పురందేశ్వరిని సోమవారం తెలుగుదేశం పార్టీ రాజ్యసభ సభ్యుడు నందమూరి హరికృష్ణ కలిసి తన తనయుడు జూనియర్ ఎన్టీఆర్ పెళ్లి పత్రికను ఆమె ఇంటివద్ద అంద జేశారు. హరికృష్ణ జూనియర్ ఎన్టీఆర్‌తో పాటు వెళ్లి స్వయంగా పెళ్లి పత్రికను పురందేశ్వరికి అందజేశారు. మే 5వ లక్ష్మి ప్రణతితో జరగనున్న తన కుమారుడి పెళ్లికి రమ్మని ఆహ్వానించారు. కాగా హరికృష్ణ తన దగ్గరి బంధువులను స్వయంగా వెళ్లి ఎన్టీఆర్ పెళ్లికి ఆహ్వానిస్తున్నారు.

శుక్రవారం తెలుగుదేశం పార్టీ అధ్యక్షుడు చంద్రబాబునాయుడు ఇంటికి స్వయంగా జూనియర్ ఎన్టీఆర్‌తో కలిసి వెళ్లి పత్రికను అందజేశారు. చంద్రబాబుకు, హరికృష్ణకు మధ్య ఇటీవల జరుగుతున్న కోల్డ్ వార్ నేపథ్యంలో బాబు ఇంటికి హరికృష్ణ వెళ్లడం ప్రాధాన్యత కలిగించింది. ఈరోజు అదే కోల్డ్ వార్‌కు కారణం అని తెలుగుదేశం పార్టీ భావిస్తున్న పురందేశ్వరి ఇంటికి హరికృష్ణ వెళ్లారు.

English summary

TDP MP Harikrishna welcome her sister, central minister Purandeswari to his son Jr.NTR marriage with Laxmi Pranathi.