వైయస్ జగన్ గెలిచినా చేసేదేమీ లేదు: మంత్రి కన్నా లక్ష్మీనారాయణ

By Pratap

Published: Monday, April 18, 2011, 11:16 [IST]

కడప: మాజీ పార్లమెంటు సభ్యుడు వైయస్ జగన్మోహన్ రెడ్డి కడప పార్లమెంటు అభ్యర్థిగా గెలిచినా చేసేది ఏమీ లేదని మంత్రి కన్నా లక్ష్మీనారాయణ సోమవారం ఆరోపించారు. ఆయన గెలిచినా ప్రజలలో ఉండరని, ఆయన వ్యాపారాలే చూసుకుంటారని అలాంటి వ్యక్తి వల్ల ప్రజలకు వచ్చే లాభమేమీ లేదని కన్నా అన్నారు. మంత్రి డిఎల్ రవీంద్రారెడ్డిని గెలిపించాలని ఆయన ప్రజలను కోరారు.

దివంగత ముఖ్యమంత్రి వైయస్ రాజశేఖరరెడ్డి ఏ చిన్న ఆరోపణలకైనా విచారణ జరిపించే వారని అన్నారు. ఆయన దారిలోనే తాము నడుస్తున్నామని కన్నా చెప్పారు. వైయస్ హయాంలో జరిగిన భూకేటాయింపులపై హౌస్ కమిటీ వేయడంలో తప్పు లేదని అన్నారు. కడప పార్లమెంటుకు పోటీ చేస్తున్న ముగ్గురు అభ్యర్థులు ఒకే వేదిక పైకి రావాలని సూచించారు.

Published On April 18, 2011