ప్రభుత్వంపై హైకోర్టుకెక్కిన వైయస్సార్ కూతురు షర్మళ

హైదరాబాద్‌: తమకు భద్రత తగ్గించాలనే ప్రభుత్వ నిర్ణయాన్ని వ్యతిరేకిస్తూ దివంగత నేత వైయస్ రాజశేఖర రెడ్డి కూతురు షర్మిళ, ఆమె భర్త అనిల్ కుమార్ హైకోర్టుకెక్కారు. తమ వ్యక్తిగత భద్రతను తగ్గించాలనే అధికారుల నిర్ణయాన్ని వారు సోమవారం హైకోర్టులో సవాల్ చేశారు. ప్రమాదం ఉండడంతో తమకు 2004 నుంటి వన్ ప్లస్ వన్ భద్రతను కొనసాగిస్తున్నారని, తమకు సమాచారం ఇవ్వకుండా ఏప్రిల్ 1వ తేదీ నుంచి భద్రతను కుదించారని వారు చెప్పారు.

తమ సోదరుడు వైయస్ జగన్ కాంగ్రెసు పార్టీకి రాజీనామా చేయడంతో తమ కుటుంబ సభ్యులను పద్ధతి ప్రకారం లక్ష్యంగా చేసుకున్నారని షర్మిళ కోర్టుకు తెలిపారు. తమ ఇద్దరికి భద్రతను పునరుద్దరించాలని షర్మిళ, అనిల్ కుమార్ హైకోర్టును కోరారు. వీరి పిటిషన్‌పై నోటీసు ఇవ్వాలని హైకోర్టు న్యాయమూర్తి కెసి భాను ఆదేశాలు జారీ చేశారు.

English summary

Sharmila, daughter of late chief minister YS Rajasekhar Reddy, and her husband Anil Kumar, on Monday knocked the doors of the AP High Court to challenge the current regime's decision to withdraw their security cover.