కోదండరామ్‌కు బిజెపి నేత రాజ్‌నాథ్ సింగ్ తెలంగాణ హామీ

న్యూఢిల్లీ: తెలంగాణ రాష్ట్ర సాధన కోసం జరిగే ఉద్యమానికి తమ మద్దతు ఉంటుందని బిజెపి సీనియర్ నేత రాజ్‌నాథ్ సింగ్ తెలంగాణ రాజకీయ జెఎసి చైర్మన్ కోదండరామ్‌కు హామీ ఇచ్చారు. కోదండరామ్ బుధవారంనాడు రాజ్‌నాథ్ సింగ్‌ను, సిపిఐ ప్రధాన కార్యదర్శి ఎబి బర్దన్‌ను, జెడియు నేత శరద్ యాదవ్‌ను కలిశారు. వచ్చే పార్లమెంటు సమావేశాల్లో తెలంగాణ రాష్ట్ర ఏర్పాటుకు బిల్లు ప్రతిపాదించేలా ప్రభుత్వంపై ఒత్తిడి తెస్తామని రాజ్‌నాథ్ సింగ్ చెప్పారు. తాము తెలంగాణ రాష్ట్ర ఏర్పాటుకు పూర్తి మద్దతిస్తామని ఆయన చెప్పారు.

తాము మే నెల నుంచి తెలంగాణ ఉద్యమాన్ని ఉధృతం చేయబోతున్నట్లు కోదండరామ్ జాతీయ నాయకులకు చెప్పారు. అందుకు వారి మద్దతును కోరారు. శ్రీకృష్ణ కమిటీ నివేదికలోని 8వ అధ్యాయం గురించి, రాష్ట్ర ప్రభుత్వం జారీ చేసిన 177 నెంబర్ జీవో గురించి వారికి వివరించారు. న్యూఢిల్లీ స్థాయిలో కోదండరామ్ 13 మందితో ఓ తెలంగాణ జెఎసిని, తెలంగాణ మిత్రులు సంస్థలను ఏర్పాటు చేశారు.

English summary

BJP leader Rajnath Singh assured to Telangana JAC chairman Kodandaram that his party will support Telangana movement.