ప్రజా ప్రతినిధులు ఇప్పటికైనా రాజ్యాంగ సంక్షోభం సృష్టించాలి: పోచారం

By Srinivas

Published: Thursday, April 28, 2011, 15:04 [IST]

హైదరాబాద్: తెలంగాణ ప్రజలు తెలుగుదేశం పార్టీకి బుద్ది చెబుతారని మాజీ శాసనసభ్యుడు పోచారం శ్రీనివాస్ రెడ్డి గురువారం విలేకరులతో మాట్లాడుతూ చెప్పారు. తెలంగాణ విషయంలో తెలుగుదేశం పార్టీ తన మాటను నిలబెట్టుకోవడం లేదని ఆరోపించారు. తన రాజీనామాను ఆమోదించ కూడదని టిడిపి సభ్యులు విన్నవించడం అవివేకమన్నారు. తెలంగాణ వ్యతిరేక పార్టీలు కోట్లు గుమ్మరించినా ప్రజలు వారిని ఆదరించరని హెచ్చరించారు. టిడిపి అర్థరహితంగా మాట్లాడుతోందని అన్నారు. ఇప్పటికైనా తెలంగాణలోని అన్ని పార్టీల ప్రజా ప్రతినిధులు రాజ్యాంగ సంక్షోభాన్ని సృష్టించాలని కోరారు. తెలంగాణ కోసం పోరాడే వారిని ప్రజలు కడుపున పెట్టుకొని తీర్పు ఇస్తారని అన్నారు.

తెలంగాణ కోసం పోరాడకుంటే ప్రజలు తగిన రీతిలో బుద్ధి చెబుతారని ప్రజాప్రతినిధులు గుర్తుంచుకోవాలని సూచించారు. కడప, పులివెందుల ఉప ఎన్నికలతో పాటు బాన్సువాడ ఎన్నికలు జరగకుండా ఉండటానికే కాంగ్రెసు, టిడిపిలు కలిసి రాజీనామా ఆమోదించకుండా ప్రయత్నాలు చేశాయని అన్నారు. తన రాజీనామాను ఇప్పటికైనా ఆమోదించినందుకు ఉపసభాపతి నాదెండ్ల మనోహర్‌కు ధన్యవాదాలు తెలిపారు.

Published On April 28, 2011