వైయస్ జగన్ వెయ్యిమంది మధుకొడాలతో సమానం: టిడిపి

By Srinivas

Published: Friday, April 29, 2011, 17:06 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి వెయ్యిమంది మధుకొడాలతో సమానమని తెలుగుదేశం పార్టీ సీనియర్ నాయకుడు, మాజీ మంత్రి గాలి ముద్దు కృష్ణమనాయుడు శుక్రవారం ధ్వజమెత్తారు. కేంద్రంలో కాంగ్రెస్ అవినీతిపై పోరాడుతున్నామని చెప్పుకునే భారతీయ జనతా పార్టీ రాష్ట్రంలో జగన్ అవినీతి, అక్రమాలపై ఎందుకు నిమ్మకుంటుందని ప్రశ్నించారు. జగన్ అక్రమాలపై బిజెపి స్పందించక పోవడాన్ని బట్టే బిజెపి జగన్‌కు మద్దతు ఇస్తుందని తెలుస్తోందన్నారు.

జగన్ అవినీతి సామ్రాజ్యాన్ని బెంగుళూరుకు చెందిన గాలి సోదరులు గాలి జనార్ధన్ రెడ్డి, గాలి కరుణాకర్ రెడ్డియే పెంచి పోషిస్తూ రక్షిస్తున్నారని ఆరోపించారు. కాగా జగన్ అవినీతి, అహంకారాల వల్లే ఈ ఉప ఎన్నికలు వచ్చాయని మరో నాయకుడు మోత్కుపల్లి నరసింహులు అన్నారు. జగన్ అతి తొందరలో తాను ముఖ్యమంత్రిని కావాలని కలలు కంటున్నారని అన్నారు.

Published On April 29, 2011