• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

మజ్లీస్ ఎమ్మెల్యే అక్బరుద్దీన్ ఓవైసీపై దాడి, ఆస్పత్రిలో చేరిక

By Pratap
|

Akbaruddin Owaisi
హైదరాబాద్: మజ్లీస్ శాసనసభ్యుడు అక్బరుద్దీన్ ఓవైసీపై శనివారం పట్టపగలు దాడి జరిగింది. ఈ దాడిలో అక్బరుద్దీన్ తీవ్రంగా గాయపడినట్లు తెలుస్తోంది. ఆయనను ఆస్పత్రిలో చేర్చారు. ఆయనకు ప్రాణాపాయం లేదని వైద్యులు చెబుతున్నారు. ఆయనను కేర్ ఆస్పత్రికి తరలించే ప్రయత్నం చేస్తున్నారు. హైదరాబాదు పాతబస్తీలోని చాంద్రాయణగుట్టలో పాదయాత్ర చేస్తుండగా అక్బరుద్దీన్ ఓవైసితో పాటు మరో మజ్లీస్ శాసనసభ్యుడు అహ్మద్ బిన్ బలాలాపై కూడా దాడి జరిగింది. బలాలా కూడా ఈ దాడిలో గాయపడ్డారు. అక్బరుద్దీన్‌పై దుండగులు మెరుపు దాడి చేసి కత్తులతో పొడిచారు.

కత్తులతో దాడి చేసినప్పుడు కాల్పులు కూడా జరిగాయి. దుండగులు కాల్పులు జరిపారా, అక్బరుద్దీన్ జరిపారా, అక్బరుద్దీన్ గన్‌మెన్ కాల్పులు జరిపారా అనేది తెలియడం లేదు. అయితే, అక్బరుద్దీన్ శరీరంలో రెండు బుల్లెట్లు ఉన్నట్లు చెబుతున్నారు. అయితే దీన్ని వైద్యులు ధ్రువీకరించడం లేదు. శరీరంపై కత్తిపోట్లు ఉన్నాయి. తమ శానససభ్యుడిపై దాడి జరిగిందని తెలియడంతో మజ్లీస్ కార్యకర్తలు పెద్ద యెత్తున ఆస్పత్రికి చేరుకున్నారు. దాడి చేసినవారు పరారీలో ఉన్నారు.

చాంద్రాయణగుట్టలోని బార్కాస్‌లో దాడి జరిగింది. మహ్మద్ పహిల్వాన్, అతని అనుచరులు ఈ దాడికి పాల్పడినట్లు అనుమానాలు వ్యక్తం చేస్తున్నారు. బార్కాస్‌లోని ఓ భూవివాదమే ఈ దాడికి కారణమని అనుమానిస్తున్నారు. మహ్మద్ పహిల్వాన్ గత ఎన్నికల్లో ఎంబిటి తరఫున శాసనసభ్యుడిగా పోటీ చేశాడు. అక్బరుద్దీన్ ఓవైసీ తండ్రి సల్లావుద్దీన్ ఓవైసీతో విభేదించి అమానుల్లా ఖాన్ ఎంబిటిని ఏర్పాటు చేశారు. హైదరాబాదు పాతబస్తీలో మజ్లీస్‌దే ఆధిపత్యం. సల్లావుద్దీన్ ఓవైసీ ఉన్నంత కాలం మజ్లీస్‌కు ఎదురు లేకుండా పోయింది.

English summary
MIM MLAs Akbaruddin Owaisi and Ahmad Bin Balal were attacked in Old city of Hyderabad today. Akbaruddin Owaisi injured in the attacked and shifted to Owaisi hospital.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X