• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆల్ ఖైదా అధినేత ఒసామా బిన్ లాడెన్ స్థావరాన్ని ఎలా కనిపెట్టారు?

By Pratap
|

Osama Bin Laden
వాషింగ్టన్: అమెరికా చరిత్రలోనే అత్యంత కీలకమైన ఉగ్రవాద నిరోధక చర్యల్లో భాగంగా హెలికాప్టర్లు దిగాయి. ఏం జరుగబోతుందనే విషయం కొద్ది మంది అమెరికా అధికారులకు మాత్రమే తెలుసు. ఇస్లామాబాద్‌కు సమీపంలో ఉన్న పట్టణంలో పెద్ద ప్రహారీ గోడ ఉన్న భవనం అది. టార్గెట్ ఒసామా బిన్ లాడెన్. ఆ ఇంటికి టెలిఫోన్ కనెక్షన్ గానీ ఇంటర్నెట్ కనెక్షన్ గానీ లేదు. కానీ భారీ వైర్ ఉంది. అంతే కాకుండా, మిగతా ఇళ్లవాళ్లు చెత్తను బయటపడవేస్తే, ఆ ఇంటివాళ్లు కాల్చేసేవారు.

ఆ భవంతిని నిఘా విభాగం అధికారులు ఆగస్టులో కనిపెట్టినట్లు సమాచారం. ఆల్ ఖైదా కొరియర్‌ను వెంబడిస్తూ ఆ భవనాన్ని పట్టుకున్నారు. ఆ కొరియర్ కోసం సిఐఎ ఏళ్ల తరబడిగా గాలిస్తోంది. అతను ఒసామా బిన్ లాడెన్‌కు అత్యంత విశ్వాసపాత్రుడు, ఆయనతోనే ఉండేవాడు. భవనం ఆవరణ చుట్టూ 18 అడుగుల ఎత్తు గోడ ఉంది. రెండు సెక్యూరిటీ గేట్లు మాత్రమే ఉన్నాయి. మూడో అంతస్థు టెర్రాస్‌ను ఏడు అడుగుల గోడతో మూసేశారు. లక్షలాది రూపాయల ఖరీదు చేసే ఆ ఆవరణను ఐదేళ్ల క్రితం నిర్మించారని, ఓ ముఖ్యమైన ఉగ్రవాది కోసమే అ పని చేశారని నిఘా అధికారులు అనుమానించారు.

ఆ ఆవరణలోని భవనంలో నివసిస్తున్నది ఎవరనే విషయంపై సిఐఎ పలు మార్లు తనను ప్రశ్నించుకుంది. ఆరా తీసింది. అక్కడ ఉన్నది బిన్ లాడెన్ అని నిర్ధారించుకున్న తర్వాతనే దాడికి దిగింది. ఫిబ్రవరిలో ఆ విషయం తెలుసుకున్న తర్వాత అమెరికా అధ్యక్షుడు బరాక్ ఒబామా రెడున్నర నెలల పాటు సీనియర్ పాలనాధికారులతో విస్తృతంగా చర్చలు జరిపారు. జాతీయ భద్రతా మండలితో ఐదు సార్లు సమావేశమయ్యారు.

లాడెన్‌ను హతమార్చడానికి ఏప్రిల్ 29వ తేదీన పచ్చ జెండా ఊపారని చెబుతున్నారు. సిఐఎ డైరెక్టర్ లియోన్ పెనెట్టా నేతృత్వంలో ఓ బృందాన్ని ఏర్పాటు చేశారు. పెనెట్టా కాన్ఫరెన్స్ రూం కమాండ్ సెంటర్‌గా మారిపోయింది. దాడి సందర్భంగా లాడెన్ ప్రతిఘటించాడని అమెరికా అధికారులు చెప్పారు.

English summary
Helicopters descended out of darkness on the most important counter terrorism mission in US history. It was an operation so secret, only a select few US officials knew what was about to happen. The location was a fortified compound in an affluent Pakistani town two hours outside Islamabad. The target was Osama bin Laden.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X