• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ ఫ్యాన్‌కు గాలి జనార్దన్ రెడ్డి కరెంట్, అందుకే బిజెపి గాలి వీస్తోంది

By Pratap
|

Telugudesam
హైదరాబాద్: వైయస్సార్ కాంగ్రెసు పార్టీ కడప లోకసభ సీటు అభ్యర్థి వైయస్ జగన్ ఎన్నికల గుర్తు ఫ్యాన్‌కు కర్ణాటక మంత్రి, బిజెపి మంత్రి గాలి జనార్దన్ రెడ్డి కరెంట్ సరఫరా చేస్తోందని, అందుకే జగన్ ఫ్యాన్ బిజెపి గాలి వీస్తోందని తెలుగుదేశం పార్టీ సీనియర్ నాయకుడు గోరంట్ల బుచ్చయ్య చౌదరి వ్యాఖ్యానించారు. దివంగత నేత వైయస్ రాజశేఖర రెడ్డి మైనింగ్ మాఫియాను పెంచి పోషిస్తే జగన్ అవినీతి మాఫియాను పెంచి పోషిస్తున్నారని ఆయన బుధవారం మీడియా ప్రతినిధుల సమావేశంలో అన్నారు.

దివంగత నేత వైస్ రాజశేఖర రెడ్డి డబ్బులు తిన్న రాష్ట్ర మంత్రులు ఉప ఎన్నికల్లో ఎవరికి ప్రచారం చేస్తారో చెప్పాలని తెలుగుదేశం పార్టీ మరో నాయకుడు దాడి వీరభద్ర రావు అన్నారు. కేంద్ర బలగాలను ఉప ఎన్నికలు జరిగే స్థానాలకు పంపాలని కోరితే ప్రభుత్వం స్పందించడం లేదని ఆయన విడిగా మీడియా ప్రతినిధుల సమావేశంలో అన్నారు. తెలుగుదేశం పార్టీ గెలుస్తుందనే భయంతో జగన్ కోట్లు ఖర్చు చేస్తున్నారని ఆయన ఆరోపించారు. అవినీతి జగన్‌ను ఓడించాలని ఆయన ఓటర్లకు పిలుపునిచ్చారు.

కడప ఉప ఎన్నికల్లో కాంగ్రెస్‌, జగన్‌ పార్టీలు పోటాపోటీగా డబ్బు పంపిణీ చేస్తున్నాయని దాడి వీరభద్రరావు ఆరోపించారు. జగన్‌ను గెలిపించడమే లక్ష్యంగా ముఖ్యమంత్రి వ్యవహారశైలి ఉందని వ్యాఖ్యానించారు. ప్రాజెక్టులు పూర్తిచేస్తానని ప్రకటించి ముఖ్యమంత్రి కిరణ్‌కుమార్‌రెడ్డి ఎన్నికల కోడ్‌ ఉల్లంఘనకు పాల్పడ్డారని అన్నారు.

English summary
TDP leaders Gorantla Buchaih Chowdary and Dadi Veerabadra rao lashed out YSR Congress party leader YS Jagan.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X