ఆస్ట్రేలియాలో బికినీపై లక్ష్మీదేవి: డిజైనర్ లిసా బ్లూపై హిందువుల ఆగ్రహం

By Srinivas

Published: Friday, May 6, 2011, 16:25 [IST]

సిడ్నీ: హిందువుల ఆరాధ్య దేవత లక్ష్మీదేవిని ఆస్ట్రేలియాకు చెందిన లిసా బ్లూ అనే ఫ్యాషన్ డిజైనర్ బికినీపై ముద్రించి ప్రపంచవ్యాప్తంగా ఉన్న హిందువుల మనోభావాలను కించపరిచింది. ఆస్ట్రేలియాలోని రోస్ మౌంట్‌లో జరిగిన ఫ్యాషన్ వీక్‌లో లిసా స్విమ్ సూట్‌పై లక్ష్మిని ఉంచింది. దీనిపై ఆగ్రహం వ్యక్తం చేసిన బిజెపి మహిళా మోర్చా హైదరాబాద్ నగరంలోని ట్యాంక్ బండ్‌ వద్దనున్న రాణీ రుద్రమదేవి విగ్రహం వద్ద ఆందోళన నిర్వహించింది.

ఆస్టేలియన్లు గతంలో కూడా గతంలో భారతీయ విద్యార్థులపై దాడులకు కూడా పూనుకున్న సందర్భాగా కోకొల్లలు. తాజాగా సాక్ష్యాత్తూ హిందువుల ఆరాధ్య దైవాన్ని బికినీపై ముద్రించి తమ పిచ్చితనాన్ని మరోసారి బయట పెట్టారు. భారతీయ సంస్కృతికి ఆకర్షితులపై పలువురు విదేశీ ప్రతినిధులు, మోడల్స్ హిందూ మతంలోకి మారిన సందర్భాలు ఉన్నాయి. సాక్ష్యాత్తూ అమెరికా అధ్యక్షుడు బరాకా ఒబామా ఆంజనేయస్వామి భక్తుడు కూడా. అయితే లిసా వంటి పిచ్చి పట్టిన డిజైనర్లు మాత్రం హిందువుల మనోభావాలను కించరిచి తమ కుత్సిత భావాన్ని చాటుకుంటోంది.

Published On May 6, 2011