పోలింగ్ కేంద్రాల వద్ద అనుచరవర్గంతో కలిసి జగన్ హల్‌చల్: టిడిపి

కడప: మాజీ పార్లమెంటు సభ్యుడు వైయస్ జగన్మోహన్ రెడ్డి పోలింగ్ కేంద్రాల వద్దకు తన అనుచర వర్గంతో వెళ్లి హల్ చల్ సృష్టిస్తున్నారని తెలుగుదేశం పార్టీ నేతలు గోరంట్ల బుచ్చయ్య చౌదరి, గాలి ముద్దు కృష్ణమనాయుడు ఆదివారం ఆరోపించారు. నియమాలకు విరుద్దంగా జగన్ పోలింగ్ కేంద్రాల వద్ద వ్యవహరిస్తున్నారని గాలి ముద్దు కృష్ణమనాయుడు అన్నారు. మద్దతుదారులతో కలిసి జగన్ అక్కడకు వెళ్లడం సరికాదన్నారు.

చాలా పోలింగ్ కేంద్రాలలో ఎన్నికలు ఏకపక్షంగా సాగుతున్నాయని మరో నేత గోరంట్ల బుచ్చయ్య చౌదరి ఆరోపించారు. ఉప ఎన్నికల ఏర్పాట్లు సవ్యంగా చేయడంలో ఎన్నికల సంఘం విఫలమైందన్నారు. కాంగ్రెసు, టిడిపి కార్యకర్తలు లేని చోటే వెబ్ కెమెరాలు పని చేయక పోవడాన్ని వారు ప్రశ్నించారు. తమ పార్టీ ఏజెంట్లను వైయస్ఆర్ కాంగ్రెసు పార్టీ నేతలను తరిమేస్తున్నారన్నారు. స్థానిక అధికారులు కూడా జగన్‌కు వత్తాసు పలుకుతున్నారని ఆరోపించారు.

English summary

TDP leaders Gali Muddu Krishnama Naidu and Gorantla Buchaiah Choudary accused Ex MP YS Jagan attitude in bypole.