సోనియా గాంధీ ఆహ్వానంపై ఇంకా నిర్ణయం తీసుకోలేదు: జయలలిత

చెన్నై: ఏఐసిసి అధ్యక్షురాలు సోనియాగాంధీ తనను తేనీటి విందుకు పిలవడంపై ఇంకా ఆలోచించలేదని అన్నాడిఎంకె అధ్యక్షురాలు జయలలిత అన్నట్టుగా తెలిసింది. తమిళనాడుల ఎన్నికలలో డిఎంకెను మట్టుబెట్టి జయలలిత పార్టీ అఖండ విజయం సాధించిన విషయం తెలిసిందే. దీనికి సోనియా ఆమెను అభినందించి తేనీటి విందుకు ఆహ్వానించారు కూడా. అయితే ఆహ్వానంపై జయ మాత్రం ఇంకా ఆలోచించలేదంట.

తనకు ముందు రాష్ట్రంలో శాంతిభద్రతల పరిరక్షణ, రాష్ట్ర పునర్నిర్మాణం ముఖ్యమని ఆమె చెప్పినట్టుగా తెలుస్తోంది. ఆ తర్వాత మహిళలకు రక్షణ, యువతకి ఉపాధి, సంవత్సరంన్నరలో ముసాయిదా (మేనిఫెస్టో)లో పేర్కొన్న హామీలు నెరవేర్చడం తదితర విషయాలపై దృష్టి సారిస్తానని చెప్పారంట. కాగా జయలలిత సోమవారం మధ్యాహ్నం 12.17 నిమిషాలకు ప్రమాణ స్వీకారం చేయనుంది. ఆ తర్వాత వెంటనే మంత్రివర్గ విస్తరణ ఉంటుందంట. డిఎండికె అధినేత విజయ్‌కాంత్‌తో కలిసి గెలిచినందువల్ల వారితో కలిసి ప్రభుత్వాన్ని ఏర్పాటు చేస్తామని జయ చెప్పారు.

English summary

ADMK president Jayalalitha was not decided on AICC president Sonia Gandhi's invitation. She said that she will reconstruct Tamilnadu.